JOO stýdentteriniń shákirtaqysy 2025 jylǵa deıin 2 ese ulǵaıady - mınıstrlik
Ondaǵy derekterge qaraǵanda, mınıstrliktiń 2026-2030 jyldar aralyǵyndaǵy jumysy osy tapsyrma sheńberinde jalǵasady.
Barlyq stýdentterge bilim alý úshin qajetti álemdik tsıfrlyq resýrstarǵa qoljetimdilik qamtamasyz etiledi. Ótkizilgen jumys qorytyndysy boıynsha bilim berý baǵdarlamalaryna engizý úshin ózekti kýrstar irikteldi. 654 Coursera kýrsy men 650 bilim berý baǵdarlamalarynyń tizimi jasaldy jáne ol 1500 pánge qoldanylýy múmkin.
«Stýdenttik jataqhanalar salý kezinde memlekettik tapsyrysty ornalastyrý merzimin 8 jyldan 6 jylǵa deıin qysqartý jáne jataqhanadaǵy bir orynǵa memlekettik tapsyrystyń mólsherin 122 AEK-ten 195 AEK-ke deıin, Almaty qalasy úshin 144 AEK-ten 230 AEK-ke deıin ulǵaıtý arqyly qoldanystaǵy memlekettik-jeke áriptestik tetigin jetildirý boıynsha jumys júrgizilýde»,-delingen habarlamada.