JOO sanyn qysqartyp, sannan sapaǵa ótýdi qoldaımyn - Qazbek Maıgeldınov

NUR-SULTAN. QazAqparat - Ulttyq qoǵamdyq senim keńesiniń úshinshi otyrysy eldegi ǵylym men bilim salasyn damytýǵa baǵyttaldy. Búgingi tańda bilim júıesinde qalyptasqan jaǵdaıǵa qatysty birqatar ózekti usynystar boldy. Bul týraly saıasattanýshy Qazbek Maıgeldınov málimdedi, dep habarlaıdy Strategy2050.kz.

«JOO-lardyń sanyn qysqartý bastamasy osyǵan deıin de boldy. Alaıda, qazir másele sanda emes sapada bolyp otyr. 19 mln halqy bar el úshin 100 (128-130) joǵary oqý ornynyń bolýy kópshilik etedi. Úzdik JOO-lar bolýy kerek, al basty nazardy TjQB-ǵa aýdarý kerek. Onda tek dıplom ıelenýshiler ǵana emes, ártúrli salalardaǵy mamandyq ıeleri bilim alatyn edi», - dedi Q.Maıgeldınov.

Sondaı-aq, ol atap ótkendeı, pandemııa onlaın oqytý salasyna álemdik betburys jasaýǵa ıtermeledi.

«Pandemııaǵa deıin onlaın kýrstarynyń buqaralyq ashylýy dástúrli ýnıversıtettermen básekege túsip, olardyń tirishilik etýine áser etedi degen boljamdar boldy. Alaıda, búginde onlaın formatqa aıaqasty ótý dástúrli ınstıtýttardyń onlaın ınstıtýttarǵa transformatsııalanaýyna ákeletinin kórdik. Otandyq JOO-lar mundaı kóshýge daıyn ba? Bar másele osynda bolyp otyr», - dedi ol.