JOO oqytýshylaryna erkindik beretin jańa memlekettik bilim standarty ázirlendi
«Akademııalyq erkindik bilim sapasynyń qozǵaýshy kúshi ekenin árdaıym aıtyp kelemin. Sońǵy úsh jyl ishinde bul baǵyt boıynsha da biraz jumys atqaryldy. Ýnıversıtetter ózderiniń bilim baǵdarlamalaryn ázirleý úshin birqatar quzyretke ıe boldy. IT, jýrnalıstıka jáne taǵy basqa tez damyp kele jatqan mamandyqtarǵa kóbirek akademııalyq erkindik berdik. Tájirıbeshil mamandar men tolyq emes jumys kúnimen jumys isteıtin qyzmetkerlerdi tartýǵa múmkindik berý úshin ǵylymı dárejelerdiń mindetti bolýyna jáne oqytýshylardyń shtat sanyna qoıylatyn talaptardy qysqarttyq, ýnıversıtetterdiń keminde 3 korpýsynyń nemese myń stýdent kontıngentiniń bolýy sııaqty kórsetkishterdi alyp tastadyq», - dep jazdy mınıstr Facebook paraqshasynda.
Sonymen qatar mınıstr JOO-lardy tekserý sharalarynyń kórsetkishteri 2 esege deıin tómendegenin atap ótedi.
«Ýnıversıtetterge, dálirek aıtqanda, oqytýshylarǵa kóbirek erkindik beretin jańa memlekettik bilim standarty ázirlendi. Bul árbir oqytýshyǵa stýdentterdiń bolashaqta eńbek naryǵynda básekege qabiletti bolýyna kómektesetin bilim berý mazmunyn jasaýǵa múmkindik beredi», - dedi Ashat Aımaǵambetov.