JOO-nyń básekege qabilettiligin arttyrýda Qazaqstannyń tájirıbesi kósh ilgeri - Talal Avvad

ASTANA. QazAqparat - Elbasynyń Qazaqstan halqyna Joldaýynda aıtylǵan joǵary bilim berýge qatysty máselelerge baılanysty  L.Gýmılev atyndaǵy EUÝ-ne Damask ýnıversıtetinen shaqyrtylǵan top-menedjer, PhD doktor Talal Avvad óz pikirin bildirdi, dep habarlaıdy QazAqparat tilshisi.

Joldaýda Elbasy joǵary bilim berý isinde oqý oryndarynyń maman daıyndaý sapasyna qatysty talaptar kúsheıtiletinin atap ótti.

«Men Qazaqstannyń joǵary bilim salasynda, onyń ishinde top-menedjer qyzmeti boıynsha 2 jyl jumys isteımin. Aıtpaǵym, álemniń úzdik ýnıversıtetteriniń úzdik top-menedjerleri men oqytýshy, professorlaryn bir jerge jınaqtap olardyń ozyq tájirıbelerin qoldaný bul álemdik qoldanysta bar jáne tıimdi ádis. Bul turǵyda Qazaqstannyń JOO-nyń básekege qabilettiligin arttyrýdaǵy tájirıbesi kósh ilgeri. Men jumys isteıtin Eýrazııa ulttyq ýnıversıtetinde alys ta jaqyn shetelden kelgen túrli  bilikti mamandar jumys isteıdi», - deıdi Talal Avvad.

Prezıdent joldaýy barysynda joǵary oqý oryndaryn irilendirý saıasatyn júrgizý qajettigin, ıaǵnı naryqta joǵary sapaly bilim berýdi qamtamasyz etetinderi ǵana qalýǵa tıis ekenin naqty atap ótti. Elbasy Nazarbaev Ýnıversıtetiniń tájirıbesine súıenip, úzdik sheteldik top-menedjerlerdi jumysqa tartý arqyly álemniń jetekshi ýnıversıtetterimen áriptestik ornatýdyń mańyzdylyǵyna toqtaldy.

«Biz Qazaqstan jastaryna bilim berip qana qoımaı, ózara tájirıbe almasamyz. N. Nazarbaevtyń joǵary bilimde eń bastysy san emes sapa ekenin, ıaǵnı JOO básekege tótep bere bilýi jáne óz túlekteriniń jumyspen qamtamasyz etilýin qadaǵalaý kerektigin atap kórsetti. Odan bólek qazaq kóshbasshysynyń Nazarbaev Ýnıversıtetinen bólek taǵy bir JOO qurý týraly ıdeıasy erekshe unady», - dedi ol.