JOO-lardaǵy qaǵazbastylyq problemasy qalaı sheshilip jatyr

NUR-SULTAN. QazAqparat – Joǵary oqý oryndarynda qaǵazbastylyqty azaıtý boıynsha jumys júrgizilýde. Bul týraly QR Bilim jáne ǵylym mınıstri Ashat Aımaǵambetovtiń joǵary oqý orny basshylarymen kezdesýinde aıtyldy, dep habarlaıdy QazAqparat tilshisi.

«Biz túlekterdiń jumysqa ornalasýy boıynsha monıtorıng júrgizemiz. Ol sandyq kórsetkishten sapaǵa kóshtik. Sonymen qatar, jazýdy jaqsartý jáne akademııalyq adaldyq mádenıetin qalyptastyrý úshin normalar engizildi. Bul – ishki sapany qamtamasyz etý júıesine qatysty normalar»- deıdi Joǵary jáne joǵary oqý ornynan keıingi bilim departamentiniń dırektory Ádilet Toıbaev.

Onyń aıtýynsha, ýnıversıtet oqytýshylaryn qaǵazbastylyqtan bosatý boıynsha jumys júrgizildi. Bul ýnıversıtetterdiń akademııalyq jáne basqarýshylyq derbestigin arttyrǵan. Barlyǵyn qosqanda 11 esep berý nysandary alynyp tastaldy.

«Bıyl ýnıversıtetter alǵash ret ózderiniń dıplomdaryn shyǵarady. Bilim berý baǵdarlamalarynyń sapasyn qamtamasyz etý úshin emtıhan ótkizilip, Tizilim qurylady. Oqytý tıimdiliginiń kórsetkishteriniń biri – jumyspen qamtý kórsetkishi. Eldegi memlekettik tapsyrys boıynsha jumyspen qamtylýdyń jalpy deńgeıi 70,2% quraıdy», - deıdi ol.