JOO-lardaǵy dástúrli formatta oqytý: Stýdentter jataqhanaǵa qabyldana ma

NUR-SULTAN. QazAqparat – QR Bilim jáne ǵylym vıtse-mınıstri Mıras Dáýlenov ekinshi semestrde joǵary oqý oryndarynda stýdentterdi dástúrli formatta oqytýdyń talaptaryn jarııa etti, dep habarlaıdy QazAqparat tilshisi.

«Qazirgi tańda joǵary oqý oryndarynda tıisti sanıtarlyq-epıdemıologııalyq rejım bekitilgen. Aýdıtorııalarda stýdentterdiń tolymdylyǵy 40 paıyzdan aspaýy kerek. Sonymen qatar qońyraý soǵýdyń ártúrli kestesi bekitiledi. ıAǵnı bir nysanda oqıtyn stýdentter bir-birimen kezige alatyndaı jaǵdaı bolmaýy tıis. Aýdıtorııalardaǵy áleýmettik qashyqtyq ta qarastyrylǵan, ıaǵnı partalardyń arasyn 2 sharshy metr aralyq bólip turýy tıis», - dedi Mıras Dáýlenov Ortalyq kommýnıkatsııalar qyzmetinde ótken baspasóz máslıhatynda.

Sonymen qatar zerthanalarda jumys júrgizý úshin 1 stýdentke kem degende 5 sharshy metr berilýi kerek.

«Bekitilgen sheshimge sáıkes, JOO-lar sanıtarlyq-epıdemıologııalyq rejımdi qamtamasyz etý reglamentin qaıta qarap, tıisti sharalardy qabyldap jatyr. Jataqhanalarǵa kelek bolsaq, JOO-lar stýdentterdi 50 paıyz tolymdylyq boıynsha qabyldaýda», - dedi ol.

Eske sala ketsek, buǵan deıin Mıras Dáýlenov osy jyldyń 18 qańtarynan bastap 1 kýrs stýdentteri kóbinese dástúrli formatta oqı bastaıtynyn aıtqan edi.