JOO-larda jasy 60-tan asqan qansha ǵalym eńbek etedi

<p>Qazaqstanda 60 jastan asqan azamattar, jalpy halyq sanynyń 13,2% quraıdy, dep habarlaıdy&nbsp;<a href="https://kaz.inform.kz/" target="_blank" rel="noopener">QazAqparat</a>&nbsp;Ulttyq statıstıka&nbsp;<a href="https://stat.gov.kz/news/aza-stan-respublikasynda-y-arttardy-leumettik-zha-dayy-/" target="_blank" rel="noopener">bıýrosyna</a>&nbsp;silteme jasap.</p>

Bıyl jyl basyndaǵy jaǵdaı boıynsha 60 jáne odan joǵary jas tobyndaǵy halyq sany 2 616 515 adamdy (eldiń jalpy sanynyń 13,2%) qurady. Onyń ishinde 1 031 051-i (39,4%) – erler jáne 1 585 064-i (60,6%) – áıelder.

Egde jastaǵy halyqtyń eń kóp sany kelesi óńirlerde turady:

• Almaty qalasynda – 288 922 adam,
• Qaraǵandy oblysynda – 200 186 adam,
• Túrkistan oblysynda– 190 160 adam,
• Almaty oblysynda – 177 685 adam.

2022-2023 oqý jylynyń basyndaǵy jaǵdaı boıynsha: joǵary jáne joǵary oqý ornynan keıingi bilim berý uıymdaryndaǵy 63 jastan asqan erler sany 2 887 adamdy qurady. 60 jastan asqan áıelderde sany – 4 189 adam. Onyń ishinde magıstr akademııalyq dárejesi bar – 322 adam, fılosofııa doktory – 132, beıini boıynsha doktor – 145, ǵylym doktory – 1 512, ǵylym kandıdaty – 3 336, professor – 1 238 jáne dotsent – 1 986 adam.

Jalpy, 2022 jyly 60 jáne odan joǵary jastaǵylar arasynda 308,3 myń adam eńbek etti. Onyń 63,4% – erler jáne 36,6% – áıelder. Kórsetkish 2021 jylmen salystyrǵanda 4,6% azaıǵan. Aıtarlyqtaı tómendeý osy jas tobyndaǵy áıelderge tıesili – 16,1%.

2021 jylǵa qaraǵanda byltyr zeınetaqy men memlekettik járdemaqy alýshylar sany 2,8% artqan.