Jóndeý jumystaryna baılanysty: Aqtóbe oblysynyń ákimdigi gaz tapshylyǵynyń sebebin túsindirdi
Qazaqstan Respýblıkasynyń ishki naryǵyna suıytylǵan munaı gazyn jetkizýdiń 2023 jylǵy 3 toqsanǵa arnalǵan josparyna sáıkes Energetıka mınıstrligi Aqtóbe oblysyna 33 228 tonna suıytylǵan munaı gazyn bóldi (shilde – 10 219 tonna, tamyz – 12 394 tonna, qyrkúıek – 10 615 tonna).
ІІM Polıtsııa departamentiniń derekteri boıynsha, búgingi tańda Aqtóbe oblysynda gaz jabdyǵymen jabdyqtalǵan 52 949 avtokólik tirkelgen. Sondaı-aq, óńirdiń tranzıttik áleýetin eskere otyryp, UQK Shekara qyzmeti departamentiniń derekterine sáıkes óńir aýmaǵyna kiretin avtokólik sany aıyna: memlekettik nómirimen 4 520 birlikti jáne sheteldik nómirimen 9 369 birlikti quraıdy.
«Osyǵan baılanysty Aqtóbe oblysynyń ishki naryǵynyń qajettiligin jabý úshin búgingi kúni 16 000 tonna suıytylǵan munaı gazy qajet.
Aqtóbe oblysynyń aýmaǵynda 7 gaz toltyrý stantsııasy (onyń 4-i – Aqtóbe qalasynda jáne 3-i – Muǵaljar aýdanynda), sondaı-aq 181 avtogaz quıý stantsııasy (onyń 88-i – Aqtóbe qalasynda jáne 93-i – aýdandarda) jumys isteıdi.
Óńir aýmaǵynda suıytylǵan munaı gazyn óndiretin 3 zaýyt jumys isteıdi, atap aıtsaq olar – «SNPS Aqtóbemunaıgaz» AQ, «Qazaqoıl Aqtóbe» JShS jáne «Gas Processing Company» JShS.
Gaz quıý stantsııalarda kezekterdiń paıda bolýy birneshe faktorlarǵa, birinshiden, «SNPS Aqtóbemunaıgaz» AQ-nyń Jańajol munaı-gaz kesheniniń GÓZ-2-de jóndeý jumystaryna baılanysty, suıytylǵan munaı gazyn temir jol kóligimen jóneltý 2023 jylǵy tamyzda 20%-ǵa tómendedi», - dep túsindirdi vedomstvo.
Sonymen qatar, «Qazaqoıl Aqtóbe» JShS-de kompressordyń toqtaýyna baılanysty tamyz aıynda gaz óndirý táýligine 84 tonnadan 64 tonnaǵa deıin kemidi.
Energetıka basqarmasy 3 óndirýshi zaýytta jyl saıynǵy josparly jóndeý jumystary bolatyny týraly habarlaıdy.
Qazirgi tańda Shymkent munaı-gaz óńdeý zaýytynan Aqtóbe oblysyna 650 tonna ónim bólingen, ol aı sońyna qaraı tolyqtaı jetkiziledi.
Másele – oblys basshylyǵynyń turaqty baqylaýynda.