Jóndeý jumystaryn júrgizýge baılanysty birqatar poıyz qozǵalysynyń kestesi ózgerdi
12:24, 01 Qyrkúıek 2016
ASTANA. QazAqparat - «Jolaýshylar tasymaly» AQ Almaty-Shý temir joly ýchaskesinde jóndeý-montajdaý jumystarynyń júrgizilýine baılanysty «Astana-Almaty» qatynasy boıynsha №10 jolaýshylar poıyzy Astana stansasynan 2016 jylǵy 5 qyrkúıekte saǵat 22. 15 mınýtta shyǵyp, jalpy ýaqytyn 6 saǵat 12 mınýtqa ulǵaıtyp, Almaty stansasyna 2016 jylǵy 6 qyrkúıekte saǵat 23.28 mınýtta keledi.
«Almaty-Astana» qatynasy boıynsha №9 poıyz Almaty stansasynan 2016 jylǵy 7 qyrkúıekte saǵat 02. 14 mınýtta (06.09.16j. saǵat 20.46 mınýt ornyna) attanyp, Astana stansasyna sol kúni saǵat 20.35 mınýtta keledi.
Sondaı-aq osy jylǵy 4-8 qyrkúıek aralyǵy kezeńinde jóndeý jumystarynyń júrgizilýine baılanysty №3/4 «Almaty-2-Astana», №34 «Aqtóbe-Almaty-1», №41 «Almaty-1-Atyraý», №43 «Almaty-1-Qostanaı», №51 «Almaty-1-Qaraǵandy», №22/21 «Qyzylorda-Semeı», №6941/6942 «Aqtoǵaı-Dostyq» jáne №6946/6945 «Shý-Otar» poıyzdarynyń kestesi ózgerdi.