«Jomart júrek» syılyǵynyń ıegerlerin anyqtaý úshin daýys berý bastaldy

ASTANA. QazAqparat - «Jomart júrek» respýblıkalyq baıqaýyna qatysýshylarǵa onlaın daýys berý bastaldy. Bul týraly QR Aqparat jáne qoǵamdyq damý mınıstrliginen málim etti, dep habarlaıdy QazAqparat.

«Jomart júrek» – qaıyrymdylyq salasyndaǵy metsenattar men fılantroptar arasyndaǵy jyl saıynǵy respýblıkalyq baıqaý. Bul syılyq eldegi qaıyrymdylyq mádenıetin damytýǵa eleýli úles qosqan Qazaqstan uıymdary men azamattaryn anyqtaýǵa, olardy kótermeleýge baǵyttalǵan.

Baıqaý 5 nomınatsııa boıynsha ótedi:

- «Jyl tulǵasy»;

- «Jyl metsenaty»;

- «Týǵan ólke»;

- «Jyldyń úzdik uıymy»;

- «Jyldyń úzdik qamqorshysy».

Onlaın daýys berý kezeńi jomartjurek.ruh.kz saıtynda 28 qyrkúıek pen 10 qazan aralyǵynda ótedi.

Daýys berý qorytyndysy boıynsha 50 laýreat (10 jeńimpazdan 5 nomınatsııa) «Jomart júrek» respýblıkalyq qaıyrymdylyq syılyǵynyń laýreaty ataǵyna ıe bolady.

Jeńimpazdardy marapattaý rásimi Respýblıka kúnin merekeleý qarsańynda ótedi.

Baıqaýdy «Qazaqstan qoǵamdyq damý ınstıtýty» QR Aqparat jáne qoǵamdyq damý mınıstrliginiń qoldaýymen uıymdastyryp otyr.