Qasym-Jomart Toqaev Vladımır Pýtınmen telefon arqyly sóılesti

<p>ASTANA. KAZINFORM &ndash; Memleket basshysy Qasym-Jomart Toqaev Reseı Prezıdenti Vladımır Pýtınmen telefon arqyly sóılesti, dep habarlaıdy Aqordanyń resmı saıty.</p>

Áńgimelesý barysynda memleketter basshylary Qazaqstan men Reseı arasyndaǵy ekijaqty ári kópjosparly yntymaqtastyqtyń qazirgi jaı-kúıin jáne damý perspektıvasyn talqylady.

Prezıdentter shekara mańyndaǵy óńirlerde oryn alǵan sý tasqyny jaǵdaıyn talqylap, eki el úkimetterine tabıǵı apatqa qarsy kúreste ózara yqpaldastyqty nyǵaıtýdy tapsyrdy.

Taraptar eki eldiń qarym-qatynastary dástúrli túrde ári strategııalyq seriktestik rýhynda qarqyndy damyp kele jatqanyn atap ótti.

Sonymen qatar memleketter basshylary aımaqtyq jáne halyqaralyq kún tártibindegi ózekti máseleler jóninde pikir almasyp, aldaǵy kezdesýlerdiń kestesin qarastyrdy.