Erigen qar sýy jolǵa jaıylǵan Maqanshy aýdanynda úılerge sý kirmedi

<p>SEMEI. KAZINFORM — Abaı oblysy Maqanshy aýdanynda jolǵa jaıylǵan qyzyl sýdyń úılerge kirýine jol berilmedi.</p>

Oblystyq TJD baspasóz qyzmetiniń málimetine súıensek, qazirgi ýaqytta Maqanshy aýdanynyń Baqty aýylynda jergilikti atqarýshy organdardyń kúshimen sý tasqynyna qarsy sharalar júrgizilýde. 

«Atap aıtqanda, jaǵalaý boıymen 400 tonnaǵa jýyq ınertti materıal, 300-den astam ydys-qap tóseldi. Jaǵdaı qıyndap ketse jedel áreket etý úshin Abaı oblysynyń TJD jeke quramynan 12 adam, 7 tehnıka (júzý quraldary men motopompalar) saqadaı saı tur» delingen aqparatta. 

Oqıǵa ornynda jergilikti atqarýshy organnan 40-tan astam adam jáne 18 tehnıka tartyldy. 

«Sondaı-aq 70-ke jýyq aýyl turǵyny kómek kórsetýde. Turǵyn úılerdi sý basqan joq. Jaǵdaı baqylaýda» dedi vedomstvodan.