Joldy sý shaıyp ketken: Batys Qazaqstanda bir aýyl qatynassyz qaldy

<p>ORAL. KAZINFORM &ndash; Batys Qazaqstan oblysynda joldy qar sýy shaıyp ketkendikten bir aýyl qatynassyz qaldy.&nbsp;</p>

BQO TJ departamentiniń baspasóz qyzmetinen málim etkenindeı, oqıǵa 25 naýryz kúni saǵat 23.00-de Terekti aýdany aýmaǵynda Shalqar aýyldyq okrýgi ortalyǵy Saryómir aýylynan 7 shaqyrym jerde boldy. 

Foto: BQO TJD

Qardyń kóp erýinen aýdandyq mańyzy bar Saryómir-Dýana avtojolynyń 2 oıpatty ýchaskesin sý shaıyp ketken. Osyǵan baılanysty kólik qozǵalysy toqtatyldy. Dýana aýylymen kólik baılanysy joq.

«Eldi mekenderge qaýip joq. Óńirde turǵyn úılerdi sý basý faktileri tirkelgen joq. Táýligine 33 604 tekshe metr qar sýy soryldy. Oǵan 519 adam jumyldyrylyp, 199 tehnıka, 87 motopompa tartyldy. Oblys boıynsha qaýipti tustarǵa barlyǵy 2 840 dana qap salynsa, sonyń 2 myńy Oral qalasy, 500-i Qaratóbe, 300-i Syrym, 40-y Terekti aýdanynyń úlesine tıedi», - dep habarlady vedomstvodan. 

Eske sala keteıik, budan buryn Batys Qazaqstan oblysynda qar sýy eki joldy shaıyp ketkenin jazǵan bolatynbyz. Sondaı-aq Oralda aýlasyn sý basqany jóninde turǵyndardan 600-ge jýyq ótinish túsken.