Joldaýdaǵy bastamalar jastardy jigerlendiredi - Meırambek Qıyqov

KÓKShETAÝ. QazAqparat - Joldaýda aıtylǵan bastamalar jastardy jigerlendire túsetini sózsiz. Bul týraly Memleket basshysy N.Á.Nazarbaevtyń kezekti Joldaýyna pikir bildirgen Aqmola oblystyq "Qazaq tili men mədenıeti" qoǵamdyq birlestiginiń tóraǵasy Meırambek Qıyqov aıtty, dep habarlaıdy QazAqparat tilshisi.

"Óz elimniń bolashaǵyna beıqam qaramaıtyn adam retinde bıylǵy Joldaýdy zer sala tyńdadym. Onda Elbasy batyl qadamdardyń kezi kelgenin aıtyp, atqarylatyn jumystardy, naqtyly mindetterdi aıqyndap berdi", -deıdi Meırambek Qıyqov.

Birlestik tóraǵasy atap ótkendeı Joldaýda eń aldymen «Nurly jer», «7-20-25» memlekettik baǵdarlamalary arqyly halyqty baspanamen qamtamasyz etý týraly másele kóterildi. Bul árıne páter jaldap júrgen jas otbasylar úshin qýantarlyq jaıt. Oǵan qosa, keler jyly «Jastar jyly» dep belgilenýi tipten jaqsy.

"Osyndaı qıyn kezeńde memleket tarapynan kórsetilgen kómek pen bastama el jastaryn jigerlendiretini anyq. Biz qarııalar Memleket basshysyn árqashanda qoldaımyz. Elimizdiń damýyna óz úlesimizdi qosýǵa yntalymyz. Qazaq eli kóptegen qıyn-qystaý kezeńderdi bastan keshirip, ekonomıkasyn joǵary deńgeıge kóterdi. Endigi maqsat el ekonomıkasyn odan ári nyǵaıtyp, halyqtyń ál-aýqatyn arttyrýǵa jəne jastardyń aıaǵynan nyq tyrýyna qol jetkizý. Buǵan jetetindigimizge senim mol", - dep tolyqtyrdy Meırambek Qıyqov.