Joldaýda medıtsına salasyndaǵy ózekti máseleler nazardan tys qalǵan joq – Tımýr Muratov
«Deni saý ult – myqty memlekettiń negizi. Memleket basshysy Qasym-Jomart Toqaevtyń bıylǵy Joldaýynda medıtsına salasyndaǵy ózekti máseleler nazardan tys qalǵan joq. Joldaýdaǵy úshinshi baǵdar – el bolashaǵyna arnalǵan strategııalyq ınvestıtsııa. Ásirese aldaǵy úsh jylda rezıdentýra boıynsha bólinetin grant sanynyń 70 paıyzǵa artatyny jaǵymdy jańalyq boldy. Búgingi tańda Nur-Sultan qalasy boıynsha kadr tapshylyǵy 321 birlikti qurap otyr. Osy oraıda jastardyń óz elimizde tegin ári sapaly joǵary bilim alýyna múmkindik jasaý mańyzdy», - dedi Tımýr Muratov.
Onyń aıtýynsha, elorda halqy jyl saıyn artyp keledi. Sondyqtan bilikti mamandar qatary da tolyǵyp otyrýy tıis.
«Sondaı-aq medıtsınalyq oqý oryndarynyń janynan aýrýhanalar men emhanalar ashý stýdentterimizdiń tájirıbe almasyp, maman retinde ósýine jaǵdaı jasaıdy. Básekege qabiletti densaýlyq salasynyń birinshi kórsetkishi – kásibı mamandar, ıaǵnı bilimdi, tájirıbeli dárigerler. Prezıdent osy másele tóńireginde naqty sheshimderdi ortaǵa tastady. Joldaýda kóp túıtkildi máseleniń sheshimi aıqyn kórinis tapqan. Ádiletti qoǵamnyń basty belgisi – ádiletti turǵyndar. Jańa Qazaqstannyń damýy eń áýeli ár azamattyń ózine tikeleı baılanysty ekenin umytpaǵan jón», - deıdi basqarma basshysy.
Eske sala ketsek, Memleket basshysy bıylǵy Joldaýynda aldaǵy úsh jylda rezıdentýraǵa bólinetin grant sany 70 paıyzǵa kóbeıetini týraly aıtqan edi.
Sondaı-aq medıtsınalyq joǵary oqý oryndarynyń janynan kópbeıindi aýrýhanalar jáne klınıkalar ashylatyny aıtyldy.
Foto: tan.kz