Joldaýda qamtylǵan baǵyttar eldegi saıası turaqtylyqqa kepil bolmaq – Qazbek Maıgeldınov

NUR-SULTAN. QazAqparat – Joldaýda qamtylǵan baǵyttar eldegi saıası turaqtylyqty saqtaýǵa kepil bolady. Mundaı paıymdy Prezıdent Joldaýyna qatysty pikir bildirgen «Qazaqstandyq qoǵamdyq damý ınstıtýty» basqarma tóraǵasy Qazbek Maıgeldınov bildirdi, dep habarlaıdy QazAqparat tilshisi.

«Joldaýda jer telimderin paıdalaný, sý resýrstaryna baılanysty máseleler men kásipkerlikti damytýǵa basa nazar aýdaryldy. Munyń nátıjesin qarapaıym halyq aıtarlyqtaı sezinetin bolady. Máselen, eń tómengi jalaqyny 70 myńǵa deıin kóbeıtý tapsyryldy. Sonymen qatar, áıelderdiń zeınetke shyǵý jasyn 2028 jylǵa deıin 61 jas etip bekitý usynyldy. Bul óz kezeginde kez kelgen qazaqstandyqqa tikeleı áser etetin bastama dep aıtýǵa bolady», - dep atap ótti «Qazaqstandyq qoǵamdyq damý ınstıtýty» basqarma tóraǵasy.

Qazbek Maıgeldınovtiń pikirinshe, Joldaýda aıtylǵan bastamalar men júktelgen tapsyrmalar eldiń turaqty damýyna kepil bolmaq.

«Jalpy búgingi Joldaýdyń basty tetigi – Ádiletti Qazaqstan. Árbir qamtylǵan baǵyt eldegi saıası turaqtylyqty saqtaý úshin jasalyp jatyr. ıAǵnı, ishki turaqtylyqqa kepil bolady dep oılaımyn. Sonymen birge, atqarýshy bılik, Úkimetke de syn aıtyldy. Kez kelgen bastamany júzege asyrýshy – ol Úkimet. Osyǵan saı, aldaǵy ýaqytta jergilikti basqarýshy organdardyń jumysy ońtaılandyrylady», - dedi Qazbek Maıgeldınov.

Qosa ketsek, buǵan deıin Prezıdent Joldaýyna qatysty pikir bildirgen saıasattanýshy Samat Nurtaza birneshe ózekti bastamany atap ótti. Onyń paıymynsha, 18-ge tolmaǵan qazaqstandyqtardyń shotyna aqsha aýdarý turmystyń jaqsarýy men ajyrasýdyń azaıýyna tikeleı áser etedi.

Foto: liter.kz