Joldaýda eńseni kóteretin ekonomıkadan ult qundylyǵyna deıin aıtyldy – Qaraqat Ábden
«Keshe Parlament palatalarynyń birikken otyrysynda Prezıdentimiz Qasym-Jomart Toqaev birqatar óte mańyzdy, ótkir máseleler kóterdi dep oılaımyn. Elimizdiń eńsesin kóteretin ekonomıkadan bastap bilim, ǵylym, densaýlyq, adam quqyǵyn qorǵaý, bala tárbıesi men ortaq ulttyq qundylyqtardy saqtaý jaıyn túgeldeı naqty qamtydy. Kóp máseleler búgingi qoǵamda kóterilip, talaı talqylanyp júr. Olardy Prezıdent birinen soń birin tizbektep aıtqanda, kóbisi Memleket basshysynyń shyn máninde eldiń sózine qulaq asatynyn baıqady. Aldymen adam quqyǵyn qorǵaý máselesine keleıik. Qasym-Jomart Toqaev osy turǵyda jańa shara qabyldaý qajettigin shegelep aıtty. Ásirese, ınternettegi balaǵa jasalǵan qysymdar, mazaq etý sııaqty oqıǵalar búginde óte qaıǵyly jaǵdaılarǵa ákep soǵatynyn jetkizdi. Bala túgili eresek adamdarǵa qarsy jazylyp júrgen balaǵat sózderdi kóterýdiń ózi aýyr ekenin aıtqym keledi», - dedi ol.
Osy oraıda máslıhat depýtaty Prezıdenttiń ınternettegi beısaýyt, negizsiz jazbalarǵa zań turǵydan tosqaýyl qoıýdy tapsyrýyn tolyq qoldaıtyndyǵyn basa aıtty.
«Bala demekshi, sábı súıý múmkindigine jete almaı otyrǵan talaı otbasynyń baǵy ashylaıyn dep tur. Prezıdentimiz «Ańsaǵan sábı» arnaıy baǵdarlamasyn jarııalap, búldirshinge zar bolyp otyrǵan otbasylarǵa arnaıy kvota sanyn 7 esege kóbeıtýdi tapsyrdy. Memleket basshysynyń bul sheshimi bala úshin ajyrasý sanyn qysqartyp, medıtsınadaǵy EKO salasyna úlken dúmpý ákeleri sózsiz. Mundaı múmkindik basqa elderde joq ekeni, ózge memlekettegi otbasylar qaradaı qarajatyn jınap, aýrýhana aralaýmen kúnderi ótip jatqany anyq», - dedi Qaraqat Ábden.
Onyń atap ótýinshe, Prezıdentimiz neni qysqartyp, neni kóbeıtý qajettigin naqty, dál halyqtyń muqtajymen baılanystyryp aıtyp berdi.
«Ásirese, memlekettik qyzmetkerler sanyn azaıtý qajettigi ýaqyt talabymen saı kelgen qadam dep oılaımyn. Basymyzdan ótip jatqan pandemııa memlekettik apparattyń ózi qalaı yqshamdala alatynyna kóz jetkizdirdi. Prezıdenttiń bul sózine az bolyp, saz is atqaryp otyrǵan halyq ta qoldaıtyny anyq. Az ýaqytta tsıfrly damýymyzǵa da aıtarlyqtaı qan júreıin dep tur. Joldaýda aldymen áleýmettik kómektiń barlyǵy túgeldeı sandyq formatqa aýystyrylady delindi. Shyn máninde, halyq kómekti tizerlep turyp, jalynǵandaı qınalyp alǵanyn bilemiz. Áli de azamattar qujattaryn jetkizemin dep talaı esikti tozdyryp otyr. Sol úshin ýaqytynan keshigip, almaı otyrǵandary qanshama. Prezıdenti olardyń da múddesin qorǵap, ádildikti tsıfrlandyrý arqyly rettemek», - dedi ol.
Onyń atap ótýinshe, onlaın jıyn degenge de etimiz úırendi.
«Karantın kezinde máslıhat depýtattarymen biraz otyrysty ekran arqyly ótkizdik. Biraq Qasym-Jomart Kemeluly aıtqandaı, jıynymyzdyń barlyǵy birdeı ashyq ótpeıdi. Ol úshin aldymen máslıhattardy qajetti qurylǵylarmen qamtamasyz etý máselesi bar ekenin aıtqym keledi. Ózimiz barynsha áleýmettik jeliler arqyly aqparat taratýǵa tyrysamyz. Alaıda ol da azdyq etip otyrǵanyn Memleket basshysynyń ózi aıtyp otyr. Eger barlyq ótetin jınalystar tikeleı halyqqa kórsetiletin bolsa, azamattar ózderi daýys berip, saılaǵan depýtatynyń atqaryp otyrǵan jumysyn, qanshalyqty belsendi ekenin kózimen kórýge jaǵdaı týar edi. Odan basqa, halyqpen keri baılanys ta áldeqaıda artary anyq. Ádette depýtattar tek azamattardy qabyldaý kezinde ǵana olardyń muń-muqtajyn bilip otyrady. Ashyq otyrystarǵa turǵyndar da qatysyp, talqylanyp otyrǵan máselelerdi bilip otyrar edi. Sondyqtan aıtylǵan usynys óte oryndy dep aıta alamyn», - dedi máslıhat depýtaty.
Sonymen qatar ol shaǵyn jáne orta bıznes ókilderine berilgen zor múmkindikterge toqtaldy.
«Jaqynda ǵana osy máseleni kótergenmin. Men oǵan áıelder aınalysyp otyrǵan bızneske erekshe mán berilse eken dep qosar edim. Árıne, bıznes jynysqa bólinbeıtini haq. Biraq, osy joly áıelder arqalap júrgen is erekshe qoldaýdy qajet etip otyr. Jerdiń sheteldikterge satylmaýy, jalpy jerdi ıkemdeýdiń túrli joldary da aıtyldy bul joly. Prezıdent agroónerkásipti jańǵyrtýǵa bólingen erekshe nazardy men de qup kóremin. Jańa ulttyq joba qala mańyndaǵy aýyldar men kishigirim qalashyqtarǵa jan bitiredi degen úmittemin. Sonda ǵana azamattar úlken megapolısterge qulshynbaı, otyrǵan jerin kórkeıtýge, týyp ósken mekenin damytýǵa tyrysar edi. Ekonomıka, ınnovatsııa kerek árıne, biraq bizge bárinen tez aýyl sharýashylyǵymyz kóbirek paıda men molshylyq beredi. Tek oǵan qajetti kóńil men qarajat jetip otyrsa», - dep túsindedi sózin Qaraqat Ábden.