Joldaýda bilim salasyna erekshe kóńil bólingen - Oljas Súleımenov

ALMATY. QazAqparat – Qoǵam qaıratkeri, bıznesmen jáne «Global Procurement Company» kompanııasynyń negizin qalaýshy Oljas Súleımenov Prezıdent Qasym-Jomart Toqaevtyń Qazaqstan halqyna kezekti Joldaýyna qatysty pikir bildirdi, dep habarlaıdy QazAqparat tilshisi.

«Prezıdentimiz Qasym-Jomart Kemeluly Toqaevtyń búgingi Joldaýynda biraz mańyzdy máseleler aıtyldy. Meni qýantqany, Prezıdentimiz júz myńnan astam jańa IT-mamandaryn daıarlaýdy tapsyrdy. Ol degenimiz, ásirese, búgingideı indet beleń alyp turǵan tusta elimizdiń bilim salasyna jáne t.b. salalardyń damýyna zor septigin tıgizbek. Sebebi, qazirgideı bári onlaın júrip jatqan ýaqytta IT-mamandar tapshylyǵy aıqyn sezilip otyr» dedi Oljas Súleımenov.

Onyń aıtýynsha, búgingi tańda aqparattyq tehnologııalar erekshe nazar aýdarýdy qajet etetetin baǵyttardyń biri bolyp otyr. Prezıdenttiń osy másele jóninde sóz qozǵaǵany qýantarlyq jaǵdaı.

«Ekinshiden, memleket basshysy oqytýshylardy daıarlaý úshin memlekettik bıýdjetten 1,2 trln teńge bólinetinin atap ótti. Bul bizdiń bilim salasynyń damýyna úlken úles qosyp, oqytýshylarymyzǵa úlken qoldaý bolary anyq» - deıdi ol.

Dýman Arǵynkeldi