Joldaýda ár salanyń ózekti problemalary qozǵaldy- Baýbek Somjúrek

  ASTANA. QazAqparat - Jańa Joldaýdyń halyq úshin mańyzdylyǵyna qatysty L.Gýmılev atyndaǵy EUÝ rektorynyń halyqaralyq baılanystar jáne ınnovatsııa jónindegi orynbasary Baýbek Somjúrek pikir bildirdi, dep habarlaıdy QazAqparat tilshisi.

«Elbasy Joldaýynda elimiz boıynsha ár salanyń kúrdeli problemalary qozǵaldy. Ózim úshin mańyzdysy qujatta áleýmettik máselelerdiń jarqyn kórinis tabýy. ıAǵnı 2019 jyldyń 1 qańtarynan bastap bıýdjet qyzmetkerleriniń jalaqysy 1,5 esege artady. Biz bárimiz bilemiz salystyrmaly túrde shetelderde ustazdar, oqytýshylar, polıtsııa qyzmetkerleri men dárigerler joǵary deńgeıde jalaqy alady jáne olarǵa ózgelermen salystyrǵanda áldeqaıda jaqsy jaǵdaı jasalǵan. Mine, biz de osy maqsatty kózdeımiz», - dedi L.Gýmılev atyndaǵy EUÝ-niń halyqaralyq baılanystar jáne ınnovatsııa jónindegi prorektory Baýbek Somjúrek.

Odan bólek prorektor 2019-2021 jyldary úsh aýysymda mektepter jáne mektep jetispeýshiligin joıýǵa 50 mlrd teńge bólinetinin erekshe atap ótti. Bul bilim salasyndaǵy ózekti máseleler sheshiledi degen sóz.

Onyń aıtýynsha, joǵary bilim alýda orta bilim negizgi tirek ekeni anyq. Sonymen qatar pedagogtardyń mártebesine qatysty arnaıy zań jobasynyń ázirlenetini erekshe qýantatynyn aıtty.

Aıta keteıik, Prezıdent Joldaýynda 2019 jyly pedagogtardyń mártebesi týraly zań qabyldaý qajettigin aıtqan bolatyn.

Buǵan deıin habarlaǵanymyzdaı Astanadaǵy L. Gýmılev atyndaǵy EUÝ-i ujymy men stýdentteri Elbasynyń joldaýyn tikeleı onlaın túrde tyńdady.