Joldaý: Zııandy óndiristerde jumys istep júrgenderge arnaýly áleýmettik tólem jasalady

ASTANA. QazAqparat – Zııandy eńbek jaǵdaıynda uzaq ýaqyt qyzmet etkenderdi áleýmettik qoldaý tetigi ázirlendi. Bul týraly búgin Qazaqstan halqyna Joldaýyn jarııalaý kezinde Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Óndiristik jaraqat alýdyń jıileýi óte ótkir másele bolyp otyr. Úkimet 2030 jylǵa deıingi qaýipsiz eńbek tujyrymdamasyn osy jyldyń sońyna deıin qabyldaýǵa tıis. Bul qujat jumys ornyndaǵy kásibı syn-qaterlerdiń aldyn alýǵa jáne joıýǵa baǵyttalýy kerek», - dedi Qasym-Jomart Toqaev.

Bul turǵyda Prezıdent Úkimet zııandy eńbek jaǵdaıynda uzaq ýaqyt jumys istep júrgen adamdardy áleýmettik qoldaý tetikterin ázirlegenin aıtty.

«Bul burynnan talqylanyp júrgen másele bolatyn, endi sheshimi tabyldy. Onyń mynadaı ólshemderi bar. Jumysshylardyń osy salany damytýǵa sińirgen eńbegi jáne densaýlyǵyna zııan kelgeni eskerile otyryp, olarǵa zeınet jasyna tolǵanǵa deıin, atap aıtqanda, 55 jastan bastap arnaýly áleýmettik tólem tólenedi. Parlamentten Úkimettiń usynystaryn jedel qaraýdy suraımyn. Azamattar osy másele sheshimin tabady dep kútip otyr», - dedi Memleket basshysy.