JOLDAÝ JÚKTEGEN MІNDETTER: «Samuryq-Qazyna» qory 3,5 mln. sharshy metr qoljetimdi baspana salady
Osyndaı kadrlyq jumystan keıin, keńeıtilgen alqa májilisin ótkizýdi uıǵarǵan qor basshysy Ó.Shókeev «Samuryq-Qazyna» qyzmetiniń negizgi baǵyttaryn aıqyndap, aldaǵy maqsat-mindetterdi belgilep berdi.
Árıne, «Samuryq-Qazynanyń» aldaǵy jumysy Elbasynyń bıylǵy Joldaýy aıasynda berilgen tapsyrmalarmen tyǵyz baılanysty bolmaq. Onyń negizgisi - «Koljetimdi baspana» baǵdarlamasyna atsalysý. Qazirgi kezde Joldaý júktegen osy bir mańyzdy mindetke qatysty «Samuryq-Qazynanyń» naqty jospary da joq emes. Oǵan sáıkes, 2012-2015 jyldary aralyǵynda «Samuryq-Qazyna» jyljymaıtyn múlik qory» jáne «Samuryq-Qazynanyń» ózi kezeń-kezeńimen 500 myń sharshy metr kólemindegi jyldyq mejege shyǵýdy josparlap otyr. Al qalǵan 500 myń sharshy metrdi Qurylys isteri jáne turǵyn úı-kommýnaldyq sharýashylyq agenttigi óz moınyna alyp otyr. 2013 jyly - 200 myń sharshy metr, 2014 jyly - 300 myń sharshy metr, al 2015 jyldan bastap «Samuryq-Qazyna» jyl saıyn 500 myń sharshy metrden turǵyn-úı keshenin paıdalanýǵa berýdi kózdeıdi. Jalpy, 2020 jylǵa deıin 3,5 mln. sharshy metr baspana salý josparlanǵan. Qor basqarmasy tóraǵasynyń orynbasary Qýandyq Bıshimbaevtyń aıtýyna qarǵanda, bir-eki aıdyń ishinde osy bastamaǵa qatysty eki qanatqaqty joba Aqmola jáne Almaty oblystarynda qolǵa alynbaq. Jospar boıynsha jergilikti jerlerdegi turǵyn úıdiń baǵasy bir sharshy metri úshin 800 dollar, al Astana men Almaty qalalarynda ol 1000 dollardan aspaýy tıis. Baǵdarlamaǵa qatysatyn azamattar ol baspanany, aldymen, jalǵa alyp, ýaqyt óte kele, óz menshigine satyp ala alady. Qordyń jańa basshysy Ómirzaq Shókeev «Qoljetimdi baspana» baǵdarlamasymen qatar, buǵan deıin daǵdarysqa qarsy baǵdarlama aıasynda salynǵan turǵyn úı keshenderin bitirip, qalǵan úleskerlerdiń máselesin sheshýge múddeli eken.
Jalpy, qazirgi kezde «Samuryq-Qazyna» qory 164 ınvestıtsııalyq jobaǵa jetekshilik etip keledi. Olardyń jalpy quny - 126 mlrd. dollar. Olardyń arqasynda aldaǵy bes jylda 20 myń turaqty jańa jumys oryndaryn ashýǵa bolady. Degenmen, «Samuryq-Qazyna» osy jobalardyń tek 50 shaqtysyn ǵana tekserip úlgergen. Qordyń jańa basshysy Ómirzaq Shókeev atap kórsetkendeı, qalǵan 100-den astam jobanyń tıimdiligi áli anyqtalmaǵan. «Shynyn aıtý kerek, olardyń ishinde tıimsiz jobalar da bar. Sondyqtan barlyq jobalardy tolyqtaı tekserip shyǵý qajet. Biz tıimsiz jobalardy qarjylandyrmaımyz», - dep qadap aıtty Ó.Shókeev. Aldaǵy ýaqytta «Samuryq-Qazyna» jeti jobaǵa negizgi basymdyq beretin bolady. Olar - Aqtaýdaǵy munaı zaýytynda shıkizatty tereńdeı óńdeý, Atyraý gaz-hımııa kesheniniń qýatyn arttyrý, Qarashyǵanaq keninde gaz óńdeý zaýytyn salý, «Tobyl-Kókshetaý-Astana» gaz qubyryn salý, Balqash JES qurylysyn bastaý, «Jezqazǵan-Beıneý» jáne «Arqalyq-Shubarkól» temir joldaryn iske qosý.
Alqa májilisi aıasynda jýrnalısterge suhbat bergen Ó.Shókeev aldaǵy ýaqytta «Samuryq-Qazyna» qoryna kiretin ulttyq kompanııalarda biraz qysqartýlar bolatyndyǵyn jetkizdi. Onyń sózine qarǵanda, «QazMunaıGaz» kompanııasynyń ortalyq apparaty 25 paıyzǵa qysqarsa, «QazMunaıGaz. Barlaý jáne óndirý» kásipornynda basqarýshylardyń sany 50 paıyzǵa azaıady. «Buǵan deıin Qazaqstan temir joly» kompanııasy óz apparatyn 15 paıyzǵa qysqartqan bolatyn. Aldaǵy ýaqytta taǵy 17 paıyzǵa qysqartý bolady degen jospar bar. Osy oraıda atap óter basty másele, ol - ulttyq kompanııalarda bolatyn qysqartýlar bul jappaı qysqartý emes. Ony tıimsiz eńbek kúshin qysqartý dep túsiný qajet», - deıdi Ó. Shókeev. «Qazatomónerkásip» kompanııasynyń basshysy Vladımır Shkolnık te óz apparatyn 26 paıyzǵa qysqartýǵa ázir ekendigin jetkizdi. Ol Almatyda otyrǵan ákimshilik apparaty qyzmetkerleriniń basym bóligin jergilikti jerlerdegi kenishterge jibermek. «Buǵan deıin Almatyda otyrǵan 900-deı qyzmetkerler kenishterdiń janynda bolyp, sol jerde ákimshilik jumystarmen aınalysatyn bolady. Almatyda tek salyq jáne basqa da máselelermen aınalysatyn mamandar qalady», - deıdi ol. «Samuryq-Qazynanyń» basshysy bul bastamany qoldap otyr. «Sebebi ákimshiliktiń jergilikti jerden emes, ortalyqta otyryp basqarý tájirıbesi tıimsiz. «ÓzenMunaıGaz» kompanııasynyń basshylyǵy da Astanada otyryp, Jańaózendegi fılıaldy basqarǵan eken. Biraq onyń arty nege ulasqanyn bári jaqsy biledi», - dep atap kórsetti Ó.Shókeev.
Budan basqa, «Samuryq Qazyna» ál-aýqat qorynyń jańa basshysy ulttyq kompanııalardyń basshylaryna taýar men qyzmetterdi satyp alý kezinde qazaqstandyq qamtýdy barynsha ulǵaıtýdy tapsyrdy. Onyń málimetine súıensek, 2010 jyly «Samuryq Qazyna» qoryna qarasty ulttyq kompanııalardyń satyp alýlar salasyndaǵy úlesi eki ese ósken bolatyn. Ol kezde qazaqstandyq qamtý deńgeıge 50 paıyz bolǵan. «2011 jyly bul kórsetkish bes-aq paıyzǵa ósti. Alaıda, 2009 jyly onyń deńgeıi 70 paıyz shamasynda bolǵan. Sondyqtan men aldaǵy ýaqytta qazaqstandyq qamtý kólemin burynǵy 70 paıyzdyq mejege jetkizýdi tapsyramyn. Árbir basshy bul máseleni jiti baqylaýda ustaýy tıis. Qazirgi kezde qor janynan qazaqstandyq qamtý boıynsha jańa departament ashyldy. Aldaǵy ýaqytta ol maǵan barlyq jaǵdaı boıynsha tikeleı esep beretin bolady», - deıdi Ó. Shókeev. Budan bylaı qor tóraǵasy «Samuryq-Qazyna» aıasyndaǵy barlyq satyp alýlardy ashyq elektrondy júıe arqyly júrgizýge netti.
Sondaı-aq Ómirzaq Estaıuly ulttyq kompanııalardyń basshylaryn «BTA» banktiń qaryzyn qaıta qurylymdaý naýqanyna atsalysýǵa shaqyrdy. «Bizdińshe, «BTA» bankte qalyptasqan jaǵdaı turaqtanady. Osyǵan baılanysty men «Samuryq-Qazyna» tobyna kiretin barlyq ulttyq kompanııalardyń basshylaryn osy máselege nazar aýdarýǵa shaqyramyn. Biz bárimiz birlesip, atalǵan bankke qoldaý kórsetýimiz qajet. Bul jumys ol jerde san alýan depozıt jáne esepshottardy ashýǵa baılanysty. Sondyqtan bank qyzmetine qatysty qandaı da bir qarama-qaıshy áreketter bolmaýy tıis. Bul - naqty ári ashyq ustanym», - dep atap kórsetti Ó.Shókeev. Qor tóraǵasy atap kórsetkendeı, qazirgi kezde osy máselege qatysty nesıe berýshiler komıteti qurylyp jatyr. «Biz bul komıtettiń jumysy barysynda nesıe berýshilermen kezdesip, «BTA» bankti ekinshi ret qaıta qurylymdaý boıynsha tıisti sheshim qabyldaýymyz qajet. Mine, osy sheshimnen keıin kim jáne qansha qarjy quıatynyn anyqtaıtyn bolamyz. Qor óz úlesin qosýǵa daıar. Biraq nesıe berýshiler de óz kapıtaldaryn salýy tıis», - deıdi Ó.Shókeev.