Joldaý júktegen mindet. Qyzylordada ustaz mártebesi talqylandy
Ony oblystyq ishki saıasat basqarmasy uıymdastyrdy, dep habarlaıdy QazAqparat tilshisi.
Konferentsııaǵa joǵarǵy jáne arnaýly orta oqý oryndarynyń dırektorlary men ustazdary, stýdentter, mektep muǵalimderi men balabaqsha meńgerýshileri, memlekettik qyzmetkerler, ÚEU, BAQ, jastar ókilderi qatysty.
Konferentsııa moderatory Qorqyt Ata atyndaǵy Qyzylorda memlekettik ýnıversıtetiniń oqý - tárbıe isi jónindegi prorektory, professor Baqytjan Ábdikárimov turmys sapasyn arttyrý máselesine keńinen toqtaldy.
Konferentsııa barysynda Qyzylorda oblysynyń bilim basqarmasy basshysynyń mindetin atqarýshy Aqzıra Baqtybaıqyzy, Qorqyt Ata atyndaǵy QMÝ ýnıversıtetiniń pedagogıka-psıhologııa kafedrasynyń professory, pedagogıka ǵylymdarynyń doktory Sharban Maıgeldıeva, Qyzylorda oblystyq «Órleý» biliktilikti arttyrý ınstıtýtynyń aǵa oqytýshysy Aqmanat Serikqyzy Basanova jáne ózge de spıkerler taqyrypqa baılanysty oı-pikirlerin bildirdi.
Іs-sharada oblystyq ishki saıasat basqarmasynyń basshysy Talǵat Mahanov Joldaýda aıtylǵan negizgi máseleler jaıynda sóz etti. Sondaı-aq, ol reformalar men Elbasynyń úkimetke qoıyp otyrǵan talaptaryn, Qazaqstan halqyna júktelgen tapsyrmalaryn aıtyp ótti.
«Joldaýdaǵy mindetterdiń oryndalýy Qazaqstannyń álemdegi tehnologııalyq, ekonomıkalyq jáne áleýmettik salalardaǵy tereń jáne qarqyndy ózgeristerge beıimdelýine yqpal etedi. Pedagog kásibiniń mártebesi men ımıdjin arttyra bilsek, sonda ǵana qoıylǵan mindetter men tapsyrmalardy oryndaýǵa qabiletti bolamyz», - dedi Talǵat Tolybaıuly.