Joldaý: Pandemııa kezinde aýrýhanalarǵa qajetti túrli medıtsınalyq jabdyqtar jetkizilgen

NUR-SULTAN. QazAqparat – Prezıdenttiń baspasóz hatshysy Berik Ýálı Memleket basshysynyń Qazaqstan halqyna Joldaýynda aıtylǵan mindettiń qalaı oryndalǵany týraly jelidegi paraqshasynda jazdy, dep habarlaıdy QazAqparat.

Berik Ýálı 2020 jylǵy 1 qyrkúıekte jarııalanǵan Memleket basshysy Qasym-Jomart Toqaevtyń «Jańa jaǵdaıdaǵy Qazaqstan: is-qımyl kezeńi» atty Joldaýynan úzindi keltirip, sol mindettiń búginde iske asqanyn dáleldeıtin aqparat jarııalady.

«Úkimettiń aldynda alǵashqy dárigerlik kómekti uıymdastyrý tásilderin túbegeıli qaıta qaraý mindeti tur. Bul qyzmet qalyń jurtshylyq, ásirese, aýyl turǵyndary úshin meılinshe jedel ári qoljetimdi bolýǵa tıis», - dedi Prezıdent.

Atalmysh tapsyrmaǵa qatysty oryndalǵan sharalar tizbesi jarııalanǵan.

«Samuryq-Qazyna» UÁQ» aktsıonerlik qoǵamy pandemııa kezińinde aýrýhanalarǵa

- 168 ókpege jasandy jolmen dem berý apparatyn,

- 875 ottegi kontsentratyn,

- 1020 pýlsoksımetr,

- 100 sanıtarlyq mashına,

- «Avıfavır» preparatynyń 3 000 qaptamasyn,

- SINOFARM vaktsınasynyń 1 mıllıon dozasyn (BAÁ) jetkizdi.

Sondaı-aq 15 jańa ońaltý ortalyǵy men 3 erte aralasý ortalyǵyn jasaqtaý jumysy qarjylandyryldy», delingen habarlamada.