Joldaý mindetteri saralandy

ASTANA. QazAqparat - Qazaqstan Respýblıkasy Mádenıet jáne sport mınıstrligi Úkimettik emes uıymdarmen áleýmettik mańyzy bar jobalardy júzege asyrý tapsyrysy aıasynda «Jeruıyq» qoǵamdyq birlestigi bıylǵy jyly shyǵarmashylyq ıntellıgentsııa men ónerdiń bedeldi ókilderinen quralǵan sarapshylar tobyn qurǵan bolatyn. Osy joba aıasynda «Qazaqstan joly - 2050: bir maqsat, bir múdde, bir bolashaq» atty Elbasynyń Qazaqstan halqyna arnaǵan Joldaýynyń negizgi mindetterin talqylaý jáne ony ári qaraı ilgeriletý boıynsha sarapshylar otyrysy ótkizildi.

Jıynda Elbasynyń Joldaýymen qatar, mádenıet salasyn damytý boıynsha mádenı saıasattyń tujyrymdamasy jobasynyń basym mindetteri talqylandy. Taqyryp aıasynda Ulttyq ǵylym akademııasynyń akademıgi, fılosofııa ǵylymdarynyń doktory, professor Ábdimálik Nysanbaev, belgili kınorejısser, QR Eńbek sińirgen qaıratkeri Halıla Omarov, respýblıkalyq Abaı qorynyń prezıdenti Jumabek Ashýuly, «Arsıstem KZ» respýblıkalyq qoǵamdyq birlestiginiń tóraǵasy Ádil Nesipbaev, belgili estrada ánshisi Sáken Qalymov jáne fılosofııa ǵylymdarynyń doktory, professor Baqytjan Satershınov syndy shyǵarmashylyq ıntellıgentsııa ókilderinen qurylǵan sarapshylar keńesi Elbasynyń bıylǵy Joldaýynyń júzege asyrylý barysy týrasynda oılaryn ortaǵa salyp, onyń naqty baǵyt-baǵdarlary aıqyndalyp kele jatqanyna nazar aýdardy.

Memleketti saıası-ekonomıkalyq turǵyda jedel jańartý jolyndaǵy birqatar memleketterdiń tájirıbesi halyqtyń basym bóligi jańartý saıasatyn sanaly túrde qoldaǵan ýaqytta bul maqsat, qandaı qıyndyqtar kezikpesin onyń oryndalatynyn kórsetip otyr. Osy oraıda, bul mindettiń oń sheshilýine Memleket basshysynyń elimizdiń álemniń básekege qabiletti memleketteriniń qataryna qosylý strategııasynyń júzege asyrylýy ózindik septigin tıgizbek. Bıylǵy Joldaýdyń iske asyrylý barysy saralana kele, mynadaı qorytyndy jasaldy. Bizdiń ulttyq ıdeıa ózegi eldegi barsha qazaqstandyqtar ózara tatýlyqta, eń bas­­tysy - ortaq áleýmettik-ekonomıkalyq, mádenı-rýhanı keńistikte ómir súrýi, bul túptep kelgende, Qazaqstan Respýblıkasy memleketiniń, onyń barsha azamattarynyń ósip-órkendeýi men gúldenýin aıqyndaıdy.