Joldaý – mańyzdy strategııalyq qujat– Dáýletkereı Rahmetýlın

ALMATY. QazAqparat – Qoǵam qaıratkeri, «Jańarý» respýblıkalyq qoǵamdyq birlestiginiń dırektory Dáýletkereı Rahmetýlın QR Prezıdenti Qasym-Jomart Toqaevtyń Qazaqstan halqyna Joldaýyna qatysty oıyn bildirdi, dep habarlaıdy QazAqparat tilshisi.

«Prezıdenttiń halyqqa Joldaýy bul – úlken strategııalyq mańyzy bar qujat. Endigi másele – ony oryndaý. Prezıdent ár sala boıynsha ne isteý kerektigin aıtyp, kórsetip berdi. Ony júzege asyrý árqaısymyzǵa baılanysty. Birinshiden osyny uıymdastyrý qajet. Ol úshin Úkimettiń qaýlysy bolýy shart. Ol jarııaly bolýy qajet. Halyqtyń sanasyna jetkizý kerek. Ár ákimdik, mınıstrlik osy Joldaýdy oryndaý úshin ózindik jumys josparyn ázirleýi tıis», – deıdi «Jańarý» RQB dırektory Dáýletkereı Rahmetýlın

Onyń aıtýynsha, Prezıdent eshqandaı salany nazardan tys qaldyrmady. Kóterilgen máselelerdiń bári búgingi kúniń ózekti máselesi.

«Qasym-Jomart Toqaevtyń búgingi Joldaýy mańyzdy salalardyń bárin qamtydy. Jalpy, Memleket basshysynyń aldyńǵy Joldaýy da kóńilge qonymdy bolǵan. Búgingi Joldaý da ár qazaqstandyq úshin mańyzdy. Endi osyny júzege asyrýda jaýapkershilik tanytýymyz kerek», – dedi ol.

Sonymen qatar, ol Qasym-Jomart Toqaevtyń mańyzdy sheshimderdi qabyldaı bilgenin atap ótti.