Joldaý: Ǵylym men densaýlyq salalaryna qarjylandyrý artady
«Bes jyldyń barysynda bilimge, ǵylymǵa jáne densaýlyq saqtaýǵa arnalǵan shyǵystardy barlyq kózderden eldiń Jalpy ishki óniminiń 10 paıyzyna deıin jetkizý kerek. Ásirese, bizde ǵylym aqsap tur. Sondyqtan tıisti qadamdardy iske asyryp, belgilengen maqsatqa qol jetkizeıik», - dedi Prezıdent.
Osy oraıda N. Nazarbaev bul baǵytta Ekonomıkalyq yntymaqtastyq jáne damý uıymy elderi tıisti basymdyqtardy qoıyp otyrǵanyn eske salyp ótti.
«Qarjylandyrýdy belgilengen reformalardy júzege asyrýǵa baǵyttaý kerek. Olar halyqqa qyzmet kórsetý sapasyn eleýli túrde arttyrýdy qamtamasyz etedi. Úkimet árbir salany aıqyndaýy tıis», - dedi Elbasy.
Aıta keteıik, QR Prezıdenti Nursultan Nazarbaev osy ýaqytta Aqordada Qazaqstan halqyna Joldaýyn jarııalaýda.Strategııalyq qujat elimizdiń áleýmettik-ekonomıkalyq damýynyń ózekti máselelerine jáne qazaqstandyqtardyń ál-aýqatyn odan ári arttyrý mindetterine arnalǵan.