Joldaý elimizdiń árbir turǵynynyń ál-aýqatyn kóterýdi kózdeıdi - okrýg ákimi

KÓKShETAÝ. QazAqparat - Atbasarda Qazaqstan Respýblıkasy Prezıdentiniń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýyn talqylaýǵa arnalǵan aýdan aktıviniń jınalysy ótti, dep habarlaıdy QazAqparat tilshisi aýdan ákimdiginiń baspasóz qyzmetine silteme jasap.

Aktıv jınalysyna oblystyq, aýdandyq máslıhattyń depýtattary, memlekettik organdar men kásiporyndardyń basshylary, úkimettik emes uıymdardyń, eńbek ujymdarynyń jáne buqaralyq aqparat quraldarynyń ókilderi qatysty.

«Elbasynyń Qazaqstan halqyna arnaǵan bıylǵy Joldaýy halyqtyń turmys deńgeıin kóterýge baǵyttalyp otyr. Bul halyqqa, elimizdiń ár azamatyna degen qamqorlyq. Osy maqsatta bizge qazir alty negizgi baǵyt boıynsha qarastyrylǵan is-sharalardy júzege asyrý qajet. Olar halyqtyń kirisin ósirý, ómir sapasyn jaqsartý, turmysqa qolaıly ortany qurý, azamattardyń qajetine baǵyt ustaǵan memlekettik apparat jasaqtaý, tıimdi syrtqy saıasat jáne árbir qazaqstandyqtyń elimizdegi jańǵyrtýlarǵa óziniń qatystylyǵyn sezinýi», - dep atap ótti Poltavka selolyq okrýginiń ákimi Lázzat Qojahmetova.

Alda turǵan mindetterdi sheshý baǵytynda qarastyrylyp otyrǵan sharalar týraly aktıv jınalysynda aýdandyq memlekettik kirister basqarmasynyń basshysy N.Qapashev, kásipkerlik bóliminiń basshysy N.Qambatyrov, aýyl sharýashylyǵy bóliminiń basshysy A.Begalınov, Poltavka selolyq okrýginiń ákimi L.Qojahmetova jáne basqalar sóz sóılep, osy oraıdaǵy óz oı-pikirlerimen bólisti.

Aktıv jınalysy boıynsha Joldaýdan týyndaıtyn mindetterge qatysty tıisti oryndarǵa naqty tapsyrmalar berildi.