Joldaý basty baǵyttardy aıqyndap berdi – general Bekaıdar Qazkeev
«Ádiletti Qazaqstan: zań men tártip, ekonomıkalyq ósim, qoǵamdyq optımızm» dep atalǵan Joldaýda Qazaqstannyń jańa dáýirdegi damý joldary aıqyndaldy.
QR Ulttyq ulany «Batys» óńirlik qolbasshylyǵynyń qolbasshysy, general-maıor Bekaıdar Qazkeev Memleket basshysynyń Joldaýyndaǵy jańa ekonomıkalyq baǵyttardyń mazmuny men sıpaty kóptiń kóńilinen shyqqanyn jetkizdi.
B.Qazkeevtiń málim etkenindeı, osy jylǵy Joldaý el damýyndaǵy negizgi baǵyttardy aıqyndap berdi.
Onyń aıtýynsha, Joldaýda saıası, ekonomıkalyq, áleýmettik máselelermen birge ásker qataryndaǵy zań men tártiptiń saqtalýyna da kóńil bólindi.
Memleket basshysy óz sózinde: «Ásker qatarynda zań men tártiptiń saqtalýy – aıryqsha mańyzdy mindet. Jastar áskerge Otan aldyndaǵy boryshyn óteýge barady. Jas sarbazdarymyz óz mindetin alańsyz oryndaýy úshin ásker qatarynda, eń aldymen, temirdeı tártip bolýǵa tıis. Qarýly kúshter men basqa da kúshtik qurylymdar osy talapty múltiksiz oryndaýy qajet. Ár ata-ana áskerge ketken balasyn memleketke senip tapsyrady. Sondyqtan sarbazdardyń densaýlyǵy men qaýipsizdigine, eń aldymen, armııa basshylyǵy jáne quqyq qorǵaý mekemeleriniń basshylary jaýapty», dep atap kórsetti.
«Osy oraıda bizdiń Qazaqstan Respýblıkasynyń Ulttyq ulany áskerleriniń aldynda zor mindetter tur. Eń bastysy, memleketimizdiń qaýipsizdigin qamtamasyz etý, azamattardyń konstıtýtsııalyq quqyǵyn qorǵaý, qala kóshelerindegi zań men tártipti saqtaý jolynda jaýyngerlik ázirlikti odan ári kúsheıte túsýimiz qajet. Ol úshin Ulttyq ulannyń ár áskerı qyzmetshisi óziniń jeke jaýapkershiligin arttyryp, kásibı sheberligin pysyqtap, áskerı ómirde zań men tártipti qatań saqtaýdy esten shyǵarmaǵany jón», dedi general-maıor B.Qazbekov.
Eske sala keteıik, budan buryn samboshy Jandos Óteǵulovtyń sportty serik etkeni áskerı qyzmette kóp paıdasyn tıgizgeni jóninde aıtqanyn jazǵan bolatynbyz.