Joldaý-2021: Prezıdent tapsyrmalary qalaı oryndaldy

NUR-SULTAN. QazAqparat - Memleket basshysy Qasym-Jomart Toqaev 2021 jyly 1 qyrkúıekte «Halyq birligi jáne júıeli reformalar – eldiń órkendeýiniń berik negizi» atty halyqqa kezekti Joldaýyn jarııalaǵan edi. Prezıdent Joldaýynda pandemııa saldarynan teńseliske túsken el ekonomıkasyn nyǵaıtý, halyqtyń áleýmettik turmysyn jaqsartý, agrarlyq sektordy damytý, eń tómengi jalaqy mólsherin arttyrý, mádenıet qyzmetkerleri, muraǵatshy, kitaphanashy jáne tehnıkalyq qyzmetkerler, qoryqshylar, kólik júrgizýshiler jáne basqalardyń jalaqysyn aldaǵy tórt jylda 20 paıyzdan ósirip otyrý sekildi máselelerdi qozǵady. Zeınetaqy jınaǵynyń jetkilikti mólsher sheginen asatyn bóligin turǵyn-úı satyp alý maqsatynda «Otbasy bankindegi» esepshotqa aýdarýǵa ruqsat berý týraly da osy Joldaýda aıtyldy.