Joldastyq kezdesý: «Qaırat» Almatyda «Pahtakordan» jeńildi

ASTANA. QazAqparat - Búgin Almaty qalasynda fýtboldan qazaqstandyq «Qaırat» pen Ózbekstannyń «Pahtakor» komandasy joldastyq kezdesý ótkizdi, dep habarlaıdy QazAqparat tilshisi.

Komandalar tartysty oıyn ótkizdi. Bapkerler jasyl alańǵa negizgi quram fýtbolshylarymen birge, jastardy da shyǵardy.

Oıynnyń birinshi kezeńinde qarsylastar bir-biriniń qaqpasyna jıi shabýyldady. Soǵan qaramastan, tablodaǵy esepke ózgeris engen joq.

Ekinshi kezeńde de oıyn qarqyny dál osylaısha órbidi. Kezdesýdiń sońǵy mınýttarynda ózbekstandyq klýb jeńis golyn soǵyp ketti.

Osylaısha, «Qaırat» qarsylasynan 0:1 esebimen utyldy.

Eki komanda toqsanynshy jyldarǵa deıin Orta Azııa klýbtary arasynda erekshe qyzyǵýshylyq týǵyzdy. Qarsylastar sol jyldarda bir-birimen 60 márte sheberlik baıqasty. Onyń 24-i «Qaırattyń», 20-y «Pahtakordyń» basymdyǵymen aıaqtalsa, qalǵany teń nátıjemen aıaqtaldy. Sońǵy ret komandalar Almatyda 1990 jyldyń 15 mamyrynda KSRO birinshiliginde kezdesti. Bul joly da «Pahtakor» 1:0 esebimen basym túsken edi.

Al, bıylǵy aqpanda Tashkent qalasynda bolǵan alǵashqy joldastyq kezdesýde ózbekstandyq klýb 4:3 esebimen jeńdi.