Joldas Batyrhan Aqtóbe oblysy ákiminiń orynbasary bolyp taǵaıyndaldy
QR Prezıdenti Ákimshiliginiń kelisimi boıynsha Joldas Batyrhan oblys ákiminiń orynbasary bolyp taǵaıyndaldy.
«Joldas Nurlanuly Batyrhan – memlekettik qyzmette jemisti eńbek etip kele jatqan bilikti ári tájirıbeli maman. Aqtóbe óńirinde birqatar jyl eńbek etti. Aýdan ákimi, bilim basqarmasynyń basshysy, odan keıin Oqý-aǵartý mınıstrliginiń balalardyń quqyqtaryn qorǵaý komıteti tóraǵasynyń orynbasary qyzmetterin atqardy. Ózine júktelgen mindetti oryndap, abyroıly jumys istedi dep oılaımyn. Jańa qyzmette ol ishki saıasat, memlekettik til jáne jastar saıasaty, din, mádenıet, bilim jáne sport máselelerine jetekshilik etedi. Bilikti kadr retinde óz jumysyn kásibı deńgeıde atqarady dep senemin», - dedi oblys ákimi Ashat Shaharov.
Aqtóbe oblysy ákimi baspasóz qyzmetiniń habarlaýynsha, Joldas Batyrhan 1998 jyly Aqtóbe pedagogıkalyq ınstıtýtyn, 2019 jyly Qazaq-orys halyqaralyq ýnıversıtetin támamdaǵan. Eńbek jolyn 1998 jyly Temir aýdanynyń Sartoǵaı negizgi mektebinde bastady. Túrli jyldary Temir aýdanynyń №6 Shubarqudyq negizgi orta mektebiniń dırektory, Temir aýdanynyń Tasqopa aýyldyq okrýginiń, Shubarshı kenttik okrýginiń ákimi, Temir aýdandyq bilim bóliminiń basshysy, Temir aýdandyq bilim, dene shynyqtyrý jáne sport bóliminiń bastyǵy bolyp qyzmet etken. 2015-2022 jyldary Temir aýdany ákiminiń orynbasary, Aqtóbe oblysynyń din isteri basqarmasynyń basshysy, Temir aýdanynyń ákimi, Aqtóbe oblysynyń bilim basqarmasynyń basshysy boldy. 2023 jyldyń qańtar aıynan bastap QR Oqý-aǵartý mınıstrliginiń balalardyń quqyqtaryn qorǵaý komıteti tóraǵasynyń orynbasary qyzmetin atqaryp keldi.
«Siz bildirgen senim údesinen shyǵyp, osy ýaqytqa deıin bilim men men tájirıbeni týyp ósken óńirdiń damýyna jumsaýǵa barymdy salamyn», - dedi Joldas Batyrhan.