Joldarda sapaly uıaly baılanys pen mobıldi ınternet bolýy tıis – Úkimet basshysy
«Jyldam ınternet tsıfrlandyrýdyń negizi sanalady. Osy rette sapaly baılanyspen qamtamasyz etý máselesi – strategııalyq mańyzy bar mindet. Ony sheshý úshin ótken jyly «Qoljetimdi ınternet» ulttyq jobasy qabyldandy. Endi osyny ýaqtyly iske asyrý – Tsıfrlyq damý mınıstrliginiń mindeti. Barlyq is-sharany oryndaý nátıjesinde 2027 jylǵa qaraı eldi mekender men joldardy baılanys jelilerimen qamtý 100 paıyzǵa jetedi. Osy oraıda turǵyndar jyldam, 100 Mbıt/sekýndtan kem bolmaıtyn ınternetpen qamtamasyz etilýi kerek», - dedi Úkimet basshysy.
Premer-Mınıstr respýblıkalyq jáne negizgi oblystyq joldarda sapaly uıaly baılanys pen mobıldi ınternet bolýy tıis ekenin basa aıtty.
«Baılanystyń bul túri adamdardyń sóılesý nemese aqparat alý múmkindigi ǵana emes. Ol sondaı-aq jańa servıster, memlekettik jáne qarjylyq qyzmetter usyný, jańa bıznes túrleriniń qalyptasýy ekenin aıta ketken jón. Sondyqtan baılanys qyzmetteriniń kólemin arttyrý ekonomıkalyq ósýdiń mańyzdy aspektileriniń biri ekeni belgili. Eger kórsetiletin qyzmetter men servısterge onlaın ári jyldam qol jetkizý bolmasa, tehnologııalyq jaǵynan eń ozyq jobalardyń ózinen memleket qajetti áser ala almaıdy», - dedi Oljas Bektenov.