Joldar májbúrli túrde buzylyp jatyr

<p>ASTANA. KAZINFORM &ndash; Elimiz boıynsha erigen qar sýyn ótkizý úshin jalpy uzyndyǵy 70 metr bolatyn 8 ýchaskede jol tósemi májbúrli túrde buzylǵan.</p>

Bul týraly Ortalyq kommýnıkatsııalar qyzmetinde ótken brıfıngte QR Kólik mınıstrligi avtomobıl joldary komıteti tóraǵasynyń orynbasary Ǵalymjan Ótenbaev aıtty.

«Jergilikti joldar boıynsha 12 oblysta sý basýdyń 333 jaǵdaıy tirkeldi. Jalpy uzyndyǵy 1 238 shaqyrymdy quraıtyn 90 ýchaskede avtokólik quraldarynyń qozǵalysyna shekteý qoıyldy», – dedi ol.

Máselen, Aqtóbe oblysynda Qandyaǵash – Embi qalalary aralyǵynda Qandyaǵash, Embi, Shalqar, Yrǵyz respýblıkalyq mańyzy bar jol ýchaskesinde qozǵalys shektelgen. Atyraý oblysynda Muqyr-Qulsary avtomobıl jolynda Dossor men Qulsary qalalary arasynda jol jabyq.

Qostanaı oblysynda QR men RF arasyndaǵy beıtarap beldeýde ornalasqan Jelqýar ózenindegi sýdyń kúrt kelýine baılanysty Marınovka aýylyna kireberis avtomobıl jolynda shekteý qoıyldy.

SQO Esil ózeniniń sý deńgeıiniń kóterilýine jáne avtomobıl joldaryn erigen sýdyń basyp ketýine baılanysty respýblıkalyq mańyzy bar 6 ýchaskesinde jol qozǵalysy shektelgen.