Joldaǵy qorshaý kólikti tesip ótti: Aqtóbede jol apatynan aǵaıyndy jigitter kóz jumdy

<p>AQTÓBE. KAZINFORM &ndash; Aqtóbe-Atyraý tasjolynyń Qalmaqqyrǵan aýyly mańynda jol-kólik apaty boldy. Kólik júrgizýshisi uıyqtap ketip, qolshaýǵa soqtyǵysqan. Saldarynan aǵaıyndy jigitter kóz jumdy.</p>

Oqıǵa 9 maýsym kúni saǵat 06:30-da boldy. Aqtóbe – Atyraý tasjolynyń 156-shaqyrymynda Opel-Zafıra kóligi qarsy baǵytqa shyǵyp, jol boıyndaǵy qorshaýǵa soqtyǵysty. Sol jerde 1997 jyly týǵan júrgizýshi men 2003 jyly týǵan jolaýshy kóz jumdy. Taǵy bir jolaýshy aýrýhanaǵa jetkizildi. 

- Kólik Aqtóbe qalasynan Shubarqudyq aýylyna baǵyt alǵan. Ol eshqandaı da taksı qyzmeti emes. Aǵaıyndy jigitter jeke sharýalarymen aýylǵa bara jatqan. Rýlde otyrǵan jigit uıyqtap ketken. Osy atalǵan derek boıynsha Qylmystyq kodekstiń 345-baby 4-bóligimen is tirkeldi. Sot-medıtsınalyq saraptama taǵaıyndaldy. Qazir sotqa deıingi tergep-tekserý jalǵasyp jatyr,- dedi oblystyq PD baspasóz qyzmetiniń jetekshisi Erbolat Sarqulov.

Aqtóbe oblystyq densaýlyq saqtaý basqarmasy baspasóz qyzmetiniń habarlaýynsha, jol apaty kezinde jaralanǵan bir jolaýshy qazir Temir aýdandyq aýrýhanasynda jatyr. Onyń jarasy tańyldy. Dárigerler jaǵdaıy turaqty aýyr dep otyr.