Jolda qalǵan 500 jolaýshy poıyzben qatynaýǵa májbúr boldy

<p>ASTANA.KAZINFORM &mdash; Qolaısyz aýa raıy saldarynan Astana&ndash;Qaraǵandy, Astana&ndash;Pavlodar jáne Astana&ndash;Kókshetaý baǵyttaryndaǵy tas joldardyń ýaqytsha jabylýyna baılanysty, jolda qalǵan shamamen 500 jolaýshy jedel túrde temirjol arqyly tasymaldandy.</p>

«Jolaýshylar tasymaly» AQ jolaýshylardyń qaýipsizdigin qamtamasyz etý jáne olardy mejeli oryndaryna jetkizý úshin jedel ári tıimdi sharalar qabyldady.

Sarybel stantsııasynan №44 «Qostanaı–Almaty», №327 «Qaraǵandy–Qostanaı», №6857 «Astana–Qaraǵandy» jáne №145 «Qaraǵandy–Omsk» poıyzdary arqyly Qaraǵandy men Astanaǵa 100 jolaýshy tasymaldandy.

Foto: «Jolaýshylar tasymaly» AQ baspasóz qyzmeti

Ekibastuz stantsııasynan №7509 «Pavlodar–Astana» jáne №139 «Pavlodar–Presnogorkovskaıa» poıyzdary arqyly 63 jolaýshy, al Ereımentaý stantsııasynan №7501 «Pavlodar–Astana» jáne №140 «Pavlodar–Presnogorkovskaıa» poıyzdary arqyly 52 jolaýshy elordaǵa tasymaldandy.

Býrabaı kýrorty stantsııasynan №6812 «Býrabaı kýrorty–Astana», №6830 «Kókshetaý–Astana», №7516 «Kókshetaý–Astana», №624 «Petropavl–Astana» jáne №7508 «Kókshetaý–Astana» poıyzdarymen 202 jolaýshy Astanaǵa tasymaldandy. Makınka, Eltaı jáne Aqkól stantsııalarynan №7508 «Kýrort-Býrabaı–Astana» jáne №76 «Petropavl–Qyzylorda» poıyzdary arqyly jalpy 76 jolaýshy elordaǵa tasymaldandy.

Qolaısyz aýa raıy kezinde poıyzdar eń senimdi ári qaýipsiz kólik túri bolyp qala beredi. Ulttyq tasymaldaýshy jolaýshylardyń qaýipsizdigi men jaılylyǵyn qamtamasyz etý maqsatynda barlyq tıisti sharalardy qabyldaýda. Azamattardy alys saparlarǵa shyǵýdan bas tartýǵa shaqyramyz. 

Eske sala keteıik, buǵan deıin tórt óńirde tas joldardyń jabylýyna baılanysty 400 adam poıyzben tasymaldaǵanyn jazǵan bolatynbyz.