Jolaýshylardy zańsyz tasıtyn qoǵamdyq kólikter men taksı qyzmeti tekseriledi – QR ІІM

NUR-SULTAN. QazAqparat – Elimizde zańsyz jumys isteıtin qoǵamdyq kólikter men taksı qyzmeti baqylaýǵa alynady. Bul týraly QR ІІM ókili Shuǵyla Turlybek málim etti, dep habarlaıdy QazAqparat tilshisi.

«Іshki ister mınıstrligi búginnen bastap el aýmaǵynda «Avtobýs» jedel profılaktıkalyq sharasyn ótkizip jatyr. Maqsat – jolda júrý qaýipsizdigin taǵy bir eske salý. Shara barysynda qoǵamdyq kólikterdiń tehnıkalyq jaǵdaıy tekseriledi. Sondaı-aq, qoǵamdyq kólik júrgizýshilerdiń qujaty talapqa saı bolýy da baqylaýǵa alynady», - dedi Shuǵyla Turlybek mınıstrlikte onlaın ótken baspasóz máslıhatynda.

Onyń aıtýynsha, qoǵamdyq kólik júrgizýshilerdiń jumysynyń eńbek kodeksine saı júrýi de tekseriske alynady.

«Avtobýs júrgizýshilerdiń densaýlyq jaǵdaıy men medıtsınalyq turǵydan jumysqa jaramdylyǵy máselesine mán berilmek. Odan bólek, jolaýshylardy zańsyz tasıtyn qoǵamdyq kólikter men taksı qyzmetine qatysty da jedel profılaktıkalyq sharasy ótedi», - deıdi ol.