«Jolaýshylar tasymaly» AQ-nyń 100 qyzmetkeri jumystan nege qýyldy

ASTANA. QazAqparat - «Jolaýshylar tasymaly» AQ-nyń barlyq fılıaldarynda basshylar aýystyryldy. Bul týraly Astanada ótken baspasóz máslıhatynda «Jolaýshylar tasymaly» AQ-nyń servıs jónindegi departament dırektory Álibek Sultanov málim etti, dep habarlaıdy QazAqparat tilshisi.

«Ótken jyldyń tamyz aıynda «Jolaýshylar tasymaly» AQ men Memlekettik qyzmet isteri jáne sybaılas jemqorlyqqa qarsy is-qımyl agenttigi arasynda strategııalyq kelisimge qol qoıyldy. Atalǵan qujat aıasynda jobalyq keńse qurylyp, onyń quramyna jemqorlyqqa jol bermeý sharalarymen aınalysatyn mamandar endi. Osy jumystyń arqasynda birlesken reıdter júrgizilýde. Jolaýshylardy bıletsiz ótkizý aqparaty bolsa, biz qatań sharalardy qabyldap, eńbek shartyn buzamyz. Ótken jylǵy 10 sáýirden qazirgi ýaqytqa deıin 101 adam bizdiń qyzmetten shettetildi. Sonymen birge, ondaǵy 17 poıyz basshysy men 80-nen astam jolserikte eńbek ótili aıtarlyqtaı joǵary bolǵan. Munymen qosa, birqatar adamnyń laýazymyn tómendetip, eleýli kadrlyq ózgerister jasaldy. Byltyr barlyq óńirlik fılıaldarda basshylar aýystyryldy, servıstik blokqa jaýapty orynbasarlardyń rotatsııasy júrgizildi», - dedi D. Nurmaǵambetov.

Onyń sózine qaraǵanda, bıletterdi alypsatarlar men bıletsiz júrý problemasy tereńde jatyr, ıaǵnı osymen kúres birneshe jyl boıy júrgizilip keledi. Bul jaǵdaı negizinen adamı faktormen negizdelip otyr.