«Jolaýshylar tasymaly» AQ elektrondyq jolmen satylatyn bıletterdiń sanyn 1 mıllıonǵa jetkizdi
17:09, 19 Qarasha 2012
ASTANA. 19 qarasha. QazAqparat - «Jolaýshylar tasymaly» AQ elektrondyq jolmen satylatyn bıletterdiń sanyn 1 mıllıonǵa jetkizdi.
«Jolaýshylar tasymaly» AQ baspasóz qyzmetiniń bastyǵy Tımýr Asylhanovtyń aıtýynsha, bıylǵy jyldyń basynan bastap 18 qarasha aralyǵynda bıletterdi elektrondyq tásilmen satý 1 mıllıonǵa jetti. Ótken jyldyń osy kezeńimen salystyrǵanda bıletterdi elektrondyq jolmen satý 13 esege artqan eken.
Atap aıtqanda, jyl saıyn atalǵan baǵyttaǵy kórsetkishter joǵarylap kele jatyr. Máselen, 2009 jyly bılet satylymy - 3 738 bolsa, 2010 jyly bul kórsetkish 26 myńnan asqan, al 2011 jyly 130 myńǵa jýyqtady. Bıylǵy jyly 1 mıllıondyq deńgeıge jetip otyr.