Jolaýshy tasymaldaıtyn vagondardyń 22 paıyzynda aýa baptaý júıesi joq

ASTANA. QazAqparat – Jolaýshy tasymalyna qatysatyn vagondardyń 22 paıyzynda aýa baptaý júıesi joq. Bul týraly «Jolaýshylar tasymaly» aktsıonerlik qoǵamynyń bas dırektory Jánibek Taıjanov BAQ ókilderimen ótken brıfıngide aıtty, dep habarlaıdy QazAqparat tilshisi.

«Aýa baptaǵyshtar týraly baıandamamda aıtyp kettim. Shamamen 1600 vagon aýa baptaý júıesimen jabdyqtalǵan. Aýa baptaý júıesi joq vagondar úlesi - shamamen 22 paıyz. Olardy báribir qoldanamyz. Biraq mundaı aýa baptaǵyshy joq vagondardy negizinen túnde júretin poıyzdarǵa jalǵaımyz. Jolaýshylarymyz qolaısyzdyq sezinbeıdi dep senemiz», - dedi kompanııa basshysy.

Sondaı-aq, ol bıyl taǵy úsh marshrýttaǵy poıyzdarda áıelder vagony paıda bolatynyn aıtty.

Byltyrdan beri elimizde 154 myń jolaýshy áıelderge arnalǵan vagonda qatynaǵan.