Jolaýshy tasymaldaıtyn ushaqtardyń jıi keshigýine baılanysty tergeý bastaldy
«Sońǵy kezderi el ishindegi, sondaı-aq halyqaralyq baǵyttar boıynsha ushatyn reısterge qatysty hat-habarlamalar kóptep túsip jatyr. Shynymen, búgingi tańda áýe kóligindegi jolaýshylar aǵynynyń kúrt ósýi baıqalady. Bul óz kezeginde reısterdiń keshigýine ákep soǵyp, otandastarymyzdyń narazylyǵyn týdyryp otyr.
Oryn alǵan bul máseleni jedel sheshý maqsatynda qazaqstandyq áýe tasymaldaýshylarǵa jańa ushaqtar satyp alýdy tapsyrdym. Osylaısha, jyldyń sońyna deıin jalpy syıymdylyǵy 2,5 myń oryndy quraıtyn 14 jańa áýe kemesi paıdalanýǵa beriletin bolady».
Mınıstrdiń málimetinshe, «SCAT» avıakompanııasy 9 ushaq, «Fly Arystan» – 3 jáne «Air Astana» 2 ushaqpen tolyqtyrylady. Bul sharalar tasymaldaý syıymdylyǵyn edáýir arttyra túspek.
Negizinde, áýe tasymaldaryna qatysty suranys jyldan jylǵa artyp keledi. Sondyqtan suranysty qanaǵattandyryp, reısterdiń keshigýin aldyn alý úshin qazaqstandyq áýe kemeleri parki 2025 jylǵa deıin 51 birlikke ulǵaıady.
«Jalpy reısterdiń keshigý faktileri boıynsha túsip jatqan shaǵymdardy eskere kele, meniń tapsyrmam boıynsha QR IIDM Azamattyq avıatsııa komıteti men Qazaqstannyń avıatsııalyq ákimshiligindegi áriptesterim tıisti tergeý amaldaryn bastap ketti. Eger jolaýshylardyń quqyqtaryn buzý faktileri anyqtalsa, tıisti avıakompanııalar ákimshilik jaýapkershilikke tartylatyn bolady» dep túıdi sózin QR IIDM basshysy.