Jolaýshy quqyǵy: áýe reısi keshiktirilgende qoıylatyn talaptar

NUR-SULTAN. QazAqparat – Jazǵy demalys maýsymy kelip, jolaýshylardyń júris-turysy kóbeıdi. Qazaqstannyń ishki reısterinde de, shetel baǵyttarynda da saıahatshylar qatary qalyń. Maýsym bastalǵaly júzdegen týrıstiń ushaq kútip, áýejaıda saǵattap otyryp qalǵan jaǵdaılary da boldy. Osy oraıda, QazAqparat «Eır Astana» kompanııasyna silteme jasaı otyryp, áýe reısi keshikken jolaýshynyń qandaı quqyǵy baryn habarlaıdy.

Eger reıstiń keshigý ýaqyty 2 saǵattan assa, onda:

- 2 ret qońyraý jasalady nemese elektrondy poshta arqyly 2 hat joldanady;

- sýsyn beriledi.

Al eger ushaqty 6 saǵattan astam kútýge májbúr bolsańyz:

- kúndiz ár 6 saǵat saıyn, túnde ár 8 saǵat saıyn ystyq tamaq beriledi.

Túnde 6 saǵattan jáne kúndiz 8 saǵattan assa:

- Qonaq úıge ornalastyrady.

- Qonaq úıge deıin jáne keıin transfer uıymdastyrylady.

«Áýekompanııa sebebinen keshikken ár saǵat úshin segment qunynyń 3%-y kóleminde ótemaqy tólenýi kerek. Ótemaqy alý úshin help.airastana.com saıtynda ótinish bildirý qajet», - dep málimdedi kompanııadan.

Aıta ketsek, buǵan deıin Komıtet birneshe áýe reısiniń bir táýlikke deıin keshigý sebebin túsindirdi.

Reısi keshikken áýe kompanııalarynyń jolaýshylarǵa tóleıtin aıyppuly ulǵaıtylatyny habarlandy.

Eýropaǵa jańa baǵyttar ashylyp, halyqaralyq reıs sany aptasyna 433-ke jetedi.

«Almaty – Mılan» baǵytynda aptasyna eki ret avıareıs qatynaıdy.

Sondaı-aq, shilde aıynan Qazaqstan men Germanııa arasyndaǵy avıa reıster artady.

Sonymen qatar, QR QM Memlekettik kirister komıtetiniń týrızmdi damytý maqsatyndaǵy «Tax Free» pılottyq jobasy taǵy bir jylǵa sozylady.