Jolaýshy esinen tanyp, Kýtaısıge baǵyt alǵan ushaq Shymkentke oraldy

ASTANA. QazAqparat – Búgin Shymkentten kóke kóterilip, Kýtaısıge baǵyt alǵan FlyArystan ushaǵynda jolaýshy esinen tanyp, áýe kemesi áýejaıǵa qaıta oraldy, dep habarlaıdy QazAqparat tilshisi.

«8 maýsym kúni saǵat 07:09-da Shymkent-Kýtaısı baǵyty boıynsha KC7407 reısin oryndaǵan áýe kemesi ushý kezinde esinen tanǵan jolaýshynyń jaǵdaıyna baılanysty Shymkent áýejaıyna qaıta oraldy. Áýekompanııa bortserikteri dereý dárigerler kómegine júgindi jáne dárigerler usynysy boıynsha jolaýshyǵa jerdegi shuǵyl medıtsınalyq kómek qajet boldy. Qazir jolaýshy jedel járdemge tapsyryldy. Avıatsııalyq qaýipsizdikti qamtamasyz etý boıynsha qajetti rásimderdi oryndap, áýe kemesine janar-jaǵarmaı quıylǵannan keıin Shymkent-Kýtaısı reısi oryndalady dep josparlanýda», - delingen kompanııanyń Telegram arnasynda jarııalanǵan habarlamada.

Eske sala keteıik, búgin Shymkentten Delıge ushýy tıis FlyArystan ushaǵy 13 saǵatqa keshigedi.