«Jolaýshylar tasymaly» AQ dırektory qandaı jaǵdaıda bılet quny eki ese ósetinin aıtty

<p>ASTANA. KAZINFORM &mdash; &laquo;Jolaýshylar tasymaly&raquo; AQ bas dırektory Jánibek Taıjanov elimizdegi temir jol bıletine qatysty ahýalǵa pikir bildirdi.</p>

Búgin Senat otyrysynan keıin BAQ ókilderi kompanııa basshysynan: «Mınıstr (Kólik mınıstri) baǵyttarǵa sýbsıdııa berilmese, onda bılet baǵasy 3 ese qymbattaıtynyn aıtqan edi. Qazaqstanda mundaı qansha baǵyt bar?», - dep suraǵan edi.

Ol búginde jolaýshylar tasymaly salasy memleket esebinen sýbsıdııalanatynyn aıtty.

«Bılet baǵasy eger qala mańy qozǵalysyn alatyn bolsa, onda ol búginde shamamen 600-700 teńgeden 3 myń teńgege deıin bolady. Al, standartty poıyz baǵasy 2,5 myńnan bastap 20 myń teńgege jetedi. Eger memleket bizge tolyqtaı kómektespese, sýbsıdııa bermese, onda bılet baǵasy barlyq baǵytta 2 ese qymbattaıdy. Búkil álemde jolaýshylar tasymaly shyǵynǵa batady. Tek Japonııada ǵana halyqtyń tyǵyzdyǵyna, jeriniń shaǵyndyǵyna baılanysty tabys tabady», - dedi Jánibek Taıjanov.