Jolaýshylar QTJ-nyń qolqany qabatyn vagondarynan qashan qutylady – mınıstr jaýaby

<p>ASTANA. KAZINFORM &ndash; Kólik mınıstri Marat Qarabaev Úkimet otyrysynan keıin ótken baspasóz máslıhatynda &laquo;Qazaqstan Temirjoly&raquo; ulttyq kompanııasy óz menshigindegi eski vagondardan nege arylmaı otyrǵanyn túsindirdi.</p>

«Ókinishke qaraı, QTJ-ǵa qajet vagondar sany 3000 danaǵa jetip otyr. Qazir 2667 vagon bar. Keıingi tórt jylda 660 vagon isten shyǵyp, 300 vagon qoldanysqa berildi. Óıtkeni vagondar ýaqtyly jetkizilgen joq. Keıingi 5-10 jylda QTJ tarapynan jańa vagon satyp alý týraly naqty sheshim qabyldanbaǵan edi. Qarjy basqa iri jobalarǵa baǵyttaldy. 2017-2018 jyldary jańa satyp alynǵan vagondar sany 100-den az bolsa, byltyr 118 vagon satyp alyndy. Bıyl 140 vagon, kelesi jyly 224 vagon satyp alamyz. Kelisimshartqa qol qoıylǵannan keıin 18 aıdyń ishinde vagon jetkizile bastaıdy. Keıde tipti odan da uzaqqa sozylyp ketedi. Osynyń bárine ýaqyt kerek. Sondyqtan da 1200-den astam vagon parkin satyp alý týraly kelisimshartqa qol qoıdyq. Bizdiń esebimiz boıynsha, 2026 jylǵa qaraı jetkilikti mólsherde vagon kiredi», - dedi mınıstr.

Jýrnalıst QTJ menshigindegi qysta sýyq, jazda ystyq, ısi qolqany qabatyn vagondardan qashan arylatynyn surady.

«Qolda bar 2667 vagonnyń jetpeıtinin aıttym. Vagon parki aıtarlyqtaı eski. Onyń ishinde 30%-ynyń «jasy» 25-ten joǵary. Olarda aýa baptaǵysh ornatylmaǵan. Sondyqtan da jazda ysyp ketedi. Biz ondaı vagondardy birtindep qoldanystan alamyz», - dedi Marat Qarabaev.