Jol júrý erejesi mektepte mindetti pán retinde oqytyla ma

ASTANA. QazAqparat – Ákimshilik polıtsııa komıtetiniń erekshe tapsyrmalar jónindegi aǵa ınspektory Aqtoty Boranovanyń aıtýynsha, jyl basynan beri 25 bala kólik apatynan kóz jumǵan, dep habarlaıdy QazAqparat tilshisi.

«Balalar – jol qozǵalysyndaǵy eń osal sanattardyń biri. Ádette, balalar aýyr jaraqat alady, qaıǵyly aıaqtalady. Kóbine jol qozǵalysy erejelerin bilmeý nemese olarǵa nemquraıly qaraý saldarynan balalardyń jol boıynda oınaýy, kósheni belgilenbegen jerden kesip ótýi, kólikterge durys minip-túsýi jáne t.b. kezdesedi. Máselen, aǵymdaǵy jyldyń esepti kezeńinde jol-kólik oqıǵalarynan 25 kámeletke tolmaǵan jasóspirim qaza taýyp, 350-den astamy ártúrli dárejedegi jaraqat aldy», - dedi Aqtoty Boranova ortalyq kommýnıkatsııalar qyzmetinde ótken brıfıngide.

Sondaı-aq, ol jol júrý erejesin mektepte mindetti pán retinde oqytý bastamasyn Úkimet qoldaǵanyn eske saldy.

«Іshki ister mınıstrligi Bilim mınıstrligine jol júrý erejesi boıynsha sabaqtardy mektep baǵdarlamalarynda jeke mindetti pán retinde ótkizý týraly usynys joldady. Bizdiń usynystarymyzdy Úkimet qabyldady jáne múddeli memlekettik organdarǵa tıisti tapsyrmalar berildi», - dedi aǵa ınspektor.