Jol jóndeıtin jumysshylar sanıtarlyq-epıdemıologııalyq erejelerdi qatań saqtaıdy
«Bıyl respýblıkalyq mańyzy bar avtomobıl joldaryn jóndeý jáne atalǵan joldardy kútip ustaýǵa 86 mlrd teńge bólindi. Kúrdeli jóndeý jumystarmen joldardyń 440 shaqyrymy qamtylyp otyr. Onyń 62 shaqyrymy paıdalanýǵa beriledi dep josparlanǵan. Kúrdeli jóndeý jumystarynyń aıasynda barlyǵy 23 joba iske asyrylyp jatyr. Ortasha jóndeý jumystarymen avtomobıl joldarynyń 1079 shaqyrymy qamtylǵan. Ortasha jóndeý jumystarynyń aıasynda 65 joba iske asyrylýda», - dedi ol.
Onyń aıtýynsha, respýblıkalyq mańyzy bar joldarda eki aı ishinde shuńqyrlardy jamaý, jol belgilerin ornatý jáne aýystyrý, sondaı-aq joldardyń qozǵalys bóligin tańbalaý sııaqty jumystardyń jyldyq kóleminiń kem degende 60 paıyzy oryndalmaq. Bul jumystar 15 sáýir men 15 maýsym aralyǵynda elimizdiń ońtústik óńirlerinde atap aıtqanda, Almaty, Atyraý, Jambyl, Qyzylorda, Mańǵystaý jáne Túrkistan oblystarynda, 1 mamyr men 1 shilde aralyǵynda elimizdiń soltústik aımaqtaryndaǵy Aqmola, Aqtóbe, Batys Qazaqstan, Shyǵys Qazaqstan, Qaraǵandy, Qostanaı, Pavlodar jáne Soltústik Qazaqstan oblystarynda júrgiziletin bolady.
«Avtomobıl joldaryn kútip ustaý aıasyndaǵy jumystardyń barlyǵy josparlanǵan kestege sáıkes júrgizilýde. Jumysshylar sanıtarlyq-epıdemıologııalyq erejelerdiń barlyǵyn qatań saqtaıdy», - dedi komıtet basshysy.