Jol jóndeý: 17 myńnan astam qazaqstandyq jumyspen qamtylǵan

<p>ASTANA. KAZINFORM &ndash; &laquo;Qaraǵandy &ndash; Almaty&raquo; avtomobıl jolyn qaıta jańartý boıynsha júzege asyrylyp jatqan jobaǵa 2,5 myń adam tartylsa, &laquo;Taldyqorǵan &ndash; Óskemen&raquo; jobasy aıasynda bir myńnan astam adam jumys istep jatyr.&nbsp;</p>

Jalpy, respýblıkalyq mańyzy bar avtojoldardy rekonstrýktsııalaý jáne jóndeý jobalaryna 9 myńnan astam adam jumyldyrylǵan. Kún saıyn 5 myńǵa jýyq adam respýblıkalyq joldardy kútip ustaý máselelerimen, 3 myńǵa jýyq adam jol-qurylys materıaldaryn daıyndaý jáne jetkizýmen aınalysady. Osylaısha, avtojol ınfraqurylymyn jańartý boıynsha jumystarǵa bir top bilikti maman tartylǵan.

«Aıta keterligi, «Qaraǵandy – Almaty», «Atyraý – Astrahan», «Aqtóbe – Qandyaǵash» jáne «Taldyqorǵan – Óskemen» avtojoldarynyń ýchaskelerinde kólik dálizderin rekonstrýktsııalaý boıynsha otandyq jobalardy iske asyrýdyń tıimdiligin arttyrý maqsatynda jóndeý jumystary eki aýysymda júrip jatyr», - dedi QR Kólik mınıstri Marat Qarabaev jýrnalısterge arnalǵan brıfıngide. 

Eske salsaq, buǵan deıin elimizdegi alǵashqy avtotýnnel men eń úlken kópirdiń qurylysy qashan aıaqtalatynyn habarlaǵan bolatynbyz.