Jol sapasyn jasandy ıntellekt arqyly anyqtaýǵa bolady

<p>ASTANA. KAZINFORM &ndash; Eldegi joldardyń jáı-japsaryn jasandy ıntellekt arqyly bilýge bolady. Ulttyq sapa ortalyǵy oılap tapqan SRDS baǵdarlamasy trassadaǵy 8 aqaýdy anyqtaıdy. ıAǵnı, asfalt jabyndysynyń beriktigi men oı-shuqyry týraly avtomatty túrde aqparat jınaýǵa múmkindik bar. Osyǵan uqsas júıe Amerıka men Eýropada keńinen paıdalanylady. Al, ortalyq Azııada alǵash bolyp aqyldy qurylǵyǵa ıe bolǵan Qazaqstan ǵana.</p>

Buryn ınjenerler 100 shaqyrym joldyń sapasyna dıagnostıka jasaý úshin tórt kún joǵaltatyn. Qazir bul is tórt saǵatta bitedi.

Aınalasy beınekameraǵy toly kólikter joldyń kedir-budyryn birden sezedi. Al, jasandy ıntellekt birneshe mıllısekýndta aqaýdyń kólemi men koordınatyn shyǵarady. Qurylǵynyń artyqshylyǵy kóp oryndy qajet etpeıtininde. Injenerler ony kez-kelgen kólikke jarty saǵatta ornatatyn kórinedi.

Foto: Soltan Jeksenbekov/ Kazinform

— Júris datchıkteri bar. Bul joldyń naqty shaqyrymyn kórsetedi. Keıin kóldeneń nemese tegis ekenin anyqtaıtyn jadnamaǵa sol aqparatty jiberedi. Al, osynyń bárin jasandy ıntellekt biriktiredi. Qurylǵynyń basty quraly beınekameralar. Ol joldaǵy aqaýlardy anyqtaıdy. Toqeterin aıtqanda qosymsha datchıkterdiń bári osy kameranyń kómekshisi, -deıdi «jol aktıvteri sapasynyń ulttyq ortalyǵy» RMK ınjenerleri.

Ázirge qolda bar kameranyń túsirý kólemi az. Bir ǵana jolaqty qamtı alady. Baǵdarlama iske qosylǵanda kólik te jyldamdyǵyn azaıtýy kerek.

Jasandy ıntellekt SRDS-ke kórshi elderden qudap túsip jatqandar kóp. Áseresi bul júıege reseılik ınjenerler áýes. Patent ulttyq sapa ortalyǵynyń enshisinde bolǵandyqtan qyzyqqandar kelip satyp alýda. Al, mundaı qurylǵy elimizdiń 16 óńirinde bar. Olar 2 aıda 14 000 shaqyrym jolǵa manıtorıng júrgizgen.

Foto: Soltan Jeksenbekov/ Kazinform

— Ár aımaqtyń óz monıtorıngtik alańdary bar. Biz solardy ortalyq bazadan óńdep, 100 metr saıyn aqaýlar bar-joǵyn tekserip shyǵamyz. Buryn árbir belgini óz qolymyzben syzyp shyǵatynbyz. Injener keıbir sátterdi baıqamaı qalýy da múmkin edi. Al, bul júıe arqyly táýekelder azaıdy. Onyń ústine adamı faktr az bolǵandyqtan, jemqorlyqqa jol berilmeıdi, -deıdi ortalyq sarapshylary.

Jalpy, elimizdegi jol qurylysynda jańa tehnologııalar keń etek alyp keledi. SRDS sonyń aıqyn dáleli. Endi otandyq IT mamandar asfalt jabynyn ǵana emes, árbir qabatyna deıin manıtorıng júrgize alatyn júıe qurastyrýǵa kirisken. Ázirge álemde ondaı baǵdarlama joq

Aıta keteıik, buǵan deıin Úkimet basshysy eldegi jol sapasyn synaǵan bolatyn. 

Altynbek Ámıt