Jol salasynda júrgen mamandardyń 90 paıyzynda arnaıy bilim joq

TÚRKІSTAN. QazAqparat - Túrkistan oblysynda ótken jyly salynǵan 484 joldan 618 aqaý anyqtalǵan, dep habarlaıdy QazAqparat tilshisi.

Ásirese aýdandyq joldardan alynǵan synamalardyń 35 paıyzy normaǵa saı kelmeıtinin kórsetken.

Mamandar bul kemshilikter tikeleı jergilikti jol bólimi qyzmetkerlerine baılanysty bolǵanyn aıtady.

Sebebi, olardyń basym kópshiliginiń arnaıy mamandyǵy saı kelmeıdi. Máselen, elimizde atalǵan salada 1 jarym myńdaı adam jumys isteıdi.

Sonyń 10 paıyzynda ǵana tıisti dıplom bar.

ıAǵnı aýdandardaǵy ınfraqurylymǵa jaýap beretin mamandardyń 90 paıyzynda jol qurylysyna qatysty tehnıkalyq bilimi men kásibı tájirıbesi joq.

Sondyqtan «Jol aktıvteri ulttyq sapa ortalyǵy» ár óńirdegi aýdan, qalalardaǵy mamandardy oqytýdy qolǵa aldy.

Búgin olar Shymkent qalasy men Túrkistan oblysynda semınar ótkizdi.

Ortalyqtyń materıaldyq tehnıkalyq bazasymen, zerthana jumysymen tanystyrdy.

Jol salý jobalarynyń sapasyn baqylap, dıagnostıkalaý jáne pasporttaýdy úıretti.