Jol saqshylary avtobýs pen jedel járdem kólikterin jasyryn patrýldeýge tartpaqshy

<p>ASTANA. KAZINFORM &ndash; Іshki ister mınıstrligi avtobýstar men jedel járdem kólikterin jol erejesin buzý faktilerin tirkeıtin avtomattandyrylǵan qurylǵylarmen jabdyqtamaqshy.</p>

Bul týraly ІІM Ákimshilik polıtsııa komıtetiniń tóraǵasy Qaısar Sultanbaev ortalyq kommýnıkatsııalar qyzmetinde ótken baspasóz máslıhatynda aıtty.

«Qala syrtyndaǵy jolda qaýipsizdik máselelerin sheshý úshin patrýldik avtokólikterdi jol erejelerin buzýdy tirkeıtin borttyq júıelerimen jabdyqtadyq. Jol boıy júıe jol erejelerin buzýshylyqtardy avtomatty túrde tirkeıdi jáne olardy Bas prokýratýranyń ortalyq serverine jiberedi. Osy jerde aıta ketetin jáıt, qyzmetkerlerde erejeniń buzylǵany týraly aqparatty joıý múmkindigi joq.

Qazir osyndaı 216 kólik bar. Bir ekıpajdyń ónimdiligin 15 patrýldiń jumysymen salystyrýǵa bolady. Degenmen, respýblıkalyq, oblystyq jáne jergilikti mańyzy bar joldardyń uzyndyǵyn eskersek, áli de jetkiliksiz.

Osy oraıda, biz jol júrisine qatysýshylardyń bárin tartýdy kózdep otyrmyz. ıAǵnı jedel járdem kólikterin, qoǵamdyq kólikterdi, sondaı-aq polıtsııanyń tústi-grafıkalyq boıaýy men jarqyldaýyq maıaktary joq avtokólikterdi avtomatty tirkeý júıelerimen jabdyqtaýdy usynamyz», - dedi ol.

Komıtet basshysy bul shara kólik júrgizý mádenıetin arttyryp, jazanyń bultartpaýshylyq prıntsıpin qamtamasyz etetinin aıtady.